| Lukin, Generaal-Majoor Sir Henry Timson [boodskap #122781] |
Di, 25 Desember 2018 16:48 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Generaal-Majoor Sir Henry Timson Lukin was 'n Suid-Afrikaanse soldaat. In 1860 in Londen gebore. Hy kom in 1879 na Suid-Afrika waar hy in die Zoeloe-oorlog veg. Na 'n kort besoek aan Engeland keer hy in 1880 terug en sluit as luitenant aan by die Cape Mounted Rifles. Hy veg in Basoetoland, bly jare lank in Oos-Kaapland en neem deel aan die krygsverrigtinge teen hoofman Galishwe in Betsjoeanaland en aan die Langebergveldtog van 1897. Tydens die Tweede Vryheidsoorlog voer hy bevel oor die artillerie in die Koloniale-afdeling en neem deel aan die beleg van Wepener en talle ander gevegte. Dit besorg hom sy bevordering tot luitenant-kolonel en die D.S.O. Na die oorlog word hy Kolonel in Bevel van die Cape Mounted Rifles en later Kommandant-generaal van die Koloniale Magte in die Kaap. In 1911 woon hy die kroningsplegtigheid van Koning George V by en met die stigting van die Unie-Verdedigingsmag in 1912 word hy aangestel as Inspekteur-generaal. Tydens die Eerste Wêreldoorlog veg hy in Duits-Suidwes-Afrika (nou Namibië) en Egipte. In Frankryk was hy in bevel van die Suid-Afrikaanse magte by Delville Woud en doen gasvergiftiging op. Hy word bevorder tot Generaal-majoor en is in 1925 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
