| Konsentrasiekampe [boodskap #122567] |
So, 23 Desember 2018 08:15 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Konsentrasiekampe is nedersettings gestig onder beskerming van die Britse militêre owerheid tydens die Tweede Vryheidsoorlog om vroue en kinders van Republikeinse stryders uit die geveggebiede te verwyder. Hoewel daar 'n presedent geskep is tydens die Kubaanse veldtog in 1898, is die stelsel wat teen die einde van 1900 op bevel van lord Kitchener ingestel is, baie swak geadministreer. Hoewel die motief veronderstel was om humanitêr te wees, het bewerings van gevoelloosheid en verwaarlosing intense bitterheid veroorsaak. Kampe is wyd versprei in Transvaal, Natal en die Vrystaat. Emily Hobhouse het, nadat sy veel teenstand oorwin het, die stelsel laat herondersoek en het die aanvaarding van hervormings verseker. In Oktober 1901 was daar 118,000 Blankes en 43,000 Kleurlinge in kampe. Die dodesyfer het 20,000 oorskry en dit is verhoog deur ernstige uitbrekings van masels en ander siektes. Toestande in die kampe het later aansienlik verbeter. 'n Monument ter ere van die slagoffers is sedertdien in Bloemfontein opgerig.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
