| Kleurlingsake [boodskap #122518] |
Sa, 22 Desember 2018 19:26 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Sedert 23 Oktober 1958 het daar 'n afsonderlike Departement van Kleurlingsake onder die Suid-Afrikaanse Regering bestaan met sy hoofkantoor in Kaapstad en 'n Kommissaris as sy permanente hoof. Die eerste persoon wat dié pos beklee het, was dr. I.D. du Plessis. Die sake wat dit hanteer het, sluit in Kleurlingonderwys, Maatskaplike Dienste, Verbeterskole en Kinderwelsyn. Die meeste van die personeel was self Kleurlinge. Ingevolge die Wet op die Afsonderlike Verteenwoordiging van Kiesers van 1951 is die Kleurlingkiesers van die Kaap op 'n afsonderlike kieserslys geplaas waarvolgens hulle 4 blankes kon kies om hulle belange in die Volksraad te verteenwoordig. Daarbenewens het hulle 5 benoemde Senatore en 2 blanke lede van die Kaapse Provinsiale Raad gehad wat deur die Kleurlingkiesers gekies is. Die Kleurlingraad wat verkies is deur lede van die Kleurling-, Maleise en Griekwagemeenskappe is beskou as 'n voorloper van 'n toekomstige Kleurlingparlement wat die sake van dié gemeenskap sou hanteer. Die Kleurlingontwikkelings- en Beleggingskorporasie wat deur openbare geld gefinansier is, is ingestel om te help met die geldelike en sakevooruitgang van die groep. Sien ook Universiteitskollege van Wes-Kaapland.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
