| Kestell, Ds. John Daniel [boodskap #122478] |
Fri, 21 December 2018 19:59 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Ds. John Daniel Kestell was predikant in die Nederduitse Gereformeerde Kerk, Bybelvertaler, skrywer en kultuurleier. As skrywer het hy soms die skuilname Afrikanus Jr. en Leinad gebruik. In 1854 in Natal gebore. Studeer in Holland en word in 1882 predikant in Kimberley waar hy tot 1894 bly. Hy verhuis na Harrismith. Met die uitbreek van die Tweede Vryheidsoorlog het hy by die Vrystaatse magte aangesluit as kapelaan. Nadat hy etlike jare lank veldprediker was, dien hy as sekretaris van die Vredeskonferensie in Vereeniging saam met D. van Velden. Hy het later die erkende verslag van die verrigtinge geskryf, sy oorlogsondervindings en 'n biografie van generaal De Wet in Afrikaans. Later jare is hy herhaaldelik moderator, ook redakteur van Die Kerkbode en 'n vertaler van die Bybel in Afrikaans. Dit is aan hom te danke dat die Reddingsdaadbeweging in die lewe geroep is om die arm Afrikaner te help. Hy is in 1941 oorlede en is aan die voet van die Bloemfonteinse Vrouemonument begrawe.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
