| Johnston, Sir Harry Hamilton [boodskap #122335] |
Wo, 19 Desember 2018 07:22 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Sir Harry Hamilton Johnston was 'n skrywer, ontdekkingsreisiger, administrateur en kunstenaar. Gebore in 1858 in Londen. As jong man studeer hy kuns waarin hy hom onderskei het. In 1879 kry hy 'n geleentheid om na Afrika te kon en hy reis in die noorde, in Angola en langs die Kongorivier op in die vroeë tagtigerjare. Het in 1884 'n ekspedisie na Kilimanjaro gelei. In 1888 is hy aangestel as Konsul vir die Provinsie van Mosambiek. Hy lei 'n ekspedisie na die Njassa-meer en daarna na die Tanganjika-meer vir die stigting van die British Central Africa Protectorate in 1889, later bekend as Malawi. Hier het Johnston aan die hoof gestaan van 'n mag wat die slawehandel onderdruk het. Sy veelsydigheid sluit in die ontdekking van 'n geheel en al nuwe dier in die Sentraal-Afrikaanse oerwoud, die okapi, die uitgee van talle boeke, soos bv. 'n voortsetting van Dickens se Dombey & Son, verhandelings oor Bantoetale en 'n versameling kortverhale, asook die komponeer van musiek. In 1927 oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
