| Hopetown [boodskap #122197] |
So, 16 Desember 2018 17:43 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Hopetown is 'n dorp naby die Oranjerivier in Noord-Kaapland. (Moenie verwar word met Hoopstad nie.) Beroemd in die Suid-Afrikaanse geskiedenis as die plek waar die eerste diamante in 1867 gevind is en waar die eerste groot diamantaankope gedoen is deur die plaaslike handelaars, Lilienfield Broers. Die dorp het in 1917 weer 'n kort diamantboom beleef, maar sy voorspoed is nou hoofsaaklik afhanklik van die wolkwekers in die distrik en die produkte van besproeiingsgrond. Die naam van die dorp is afgelei van 'n ornament (bestaan vandag nog) wat aan die vrou van 'n vroeë setlaar behoort het. Dit was in die vorm van 'n anker wat "hoop" simboliseer, en 'n kleurling-bediende was so beïndruk daardeur dat hy 'n soortgelyke anker uit blik gesny en aan die vrou gegee het. Sy het dit aan die huis se deur vasgespyker waar dit vandag nog gesien kan word. Kort daarna is 'n dorp in 1854 daar uitgelê en is die voorval in die naam van die dorp gedenk. Bevolking teen die middel van die 20ste eeu: 2,631 (739 Blankes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
