| Gordon, Kolonel Robert Jacob [boodskap #121980] |
Thu, 13 December 2018 16:02 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Kolonel Robert Jacob Gordon was 'n soldaat, ontdekkingsreisiger en stigter van die Suid-Afrikaanse merinoskaap-bedryf. As die seun van 'n Skotse immigrant is hy in Holland gebore, en het ook in 'n Skotse regiment onder kolonel Dundas geveg. Hy kom op 1 Junie 1777 by die Kaap aan en was tweede in bevel van die Garnisoen. Kort na sy aankoms begin hy met ontdekkingsreise en in Augustus 1779 ontdek hy 'n groot rivier in die noorde van die Kolonie. Hy hys die Hollandse vlag en noem dit die Oranje-rivier, na die stadhouer van Nederland. Later het hy die Oosgrens saam met goewerneur Van Plettenberg besoek en in 1780 is hy aangestel as bevelvoerder van die Garnisoen. Hy het die eerste merinoskape van oorsee af na die Kaap ingevoer. Met die Britse aanval op die Kaap in 1795 het Gordon 'n ineenstorting gehad en na die oorgawe, het hy op 5 Oktober 1795 selfmoord gepleeg.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
