| Fourie, Jopie (Josef) [boodskap #121857] |
Mon, 10 December 2018 07:02 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Jopie (Josef) Fourie was 'n Suid-Afrikaanse rebel. Gebore op 27 Augustus 1878 naby Pretoria; ontvang opleiding aan Grey-kollege, Bloemfontein. Hy neem deel aan die demping van die Jameson-inval en veg in die Tweede Vryheidsoorlog. In 1912 sluit hy aan by die nuut-gestige Unieverdedigingsmag waarin hy 'n offisiersamp beklee. Met die uitbreek van die Eerste Wêreldoorlog het hy hom vereenselwig met die Gewapende Protesbeweging wat die hoogtepunt in die Rebellie bereik het. Hy is in 'n skermutseling naby Pretoria gevange geneem en voor 'n krygsraad gedaag. Hy is skuldig bevind aan hoogverraad en op Sondagoggend 20 Desember 1914 doodgeskiet. Die omstandighede tydens die verhoor en die teregstelling het groot bitterheid veroorsaak. Daar was groot politieke betogings tydens sy begrafnis en daarna.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
