| Cronwright-Schreiner, Samuel [boodskap #121532] |
Sa, 01 Desember 2018 16:33 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Samuel Cron Cronwright-Schreiner was 'n Suid-Afrikaanse skrywer en eggenoot van Olive Schreiner. Gebore in 1863 naby Bedford, Kaapprovinsie. Stam uit 'n 1820-Setlaarsfamilie. Ontvang onderwys aan St. Andrew's College, Grahamstad, waar hy hom in sport onderskei het. Hy gaan boer, ontmoet Olive Schreiner in Desember 1892 op die plaas Gannahoek en trou met haar in 1894. Hy verander sy naam van Cronwright na Cronwright-Schreiner. Skryf oor 'n verskeidenheid onderwerpe insluitend The Angora Coat, The Migratory Springboks of South Africa en politieke onderwerpe. In 1898 besluit hy om hom te kwalifiseer as 'n prokureur en woon 'n tydjie in Johannesburg. Hy keer terug na die Kaap en raak geïnteresseerd in die politiek. Hy begin praktiseer op Hanover, Kaapkolonie. Daar bly hy tot 1907 en verhuis na De Aar. In 1903 word hy verkies tot die Kaapse parlement en staan vir Colesberg. Van 1904 tot 1910 was hy lid vir Beaufort-Wes. In later jare raak hy vervreem van sy vrou maar raak versoen en skryf haar biografie. Hy redigeer 'n paar van haar boeke na haar dood. Oorlede in 1936.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
