| Cronje, Generaal Pieter Arnoldus [boodskap #121531] |
Sat, 01 December 2018 16:20 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Generaal Pieter Arnoldus Cronjé was 'n leier in die Suid-Afrikaanse Republiek se militêre magte tydens die Eerste- en Tweede Vryheidsoorlog. Om en by 1835 in die Kaapkolonie gebore. Vergesel sy ouers in die Groot Trek, vestig hom in die Suid-Afrikaanse Republiek waar hy homself onderskei in verskeie veldtogte teen die naturelle. Woon naby Potchefstroom en was kommandant van daardie distrik tydens die Brits besetting van 1877. Tydens die Boereweerstand teen die nuwe bewind wat 'n hoogtepunt in die Amajuba-veldtog bereik het, lei hy die Republikeinse magte in die suksesvolle beleg van Potchefstroom. Met die sluiting van vrede was hy 'n hegte aanhanger van president Kruger en word tot die Volksraad verkies waar hy Superintendent van Naturellesake was. Dien ook in die Uitvoerende Raad. Neem deel in verskeie naturelleveldtogte en word in 1896 wêreldberoemd toe sy kommando die oorgawe van die Jameson-invallers afgedwing het. Met die uitbreek van die Tweede Vryheidsoorlog in 1899 is hy in bevel van die Suid-Afrikaanse Republikeinse magte op die westelike front geplaas en begin met die beleg van Mafeking. Hy behaal minder sukses as in die verlede en lei die finale aanval op Kimberley. Behaal oorwinnings by Modderrivier en Magersfontein. Hy word in 'n lokval gelei by Paardeberg en op 22 Februarie 1900 gee hy met 4,000 manne oor aan lord Roberts. As gevangene word hy na St. Helena gestuur. Oorlede in 1911.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
