| Chaplin, Sir Franils Drummond [boodskap #121436] |
Fri, 30 November 2018 15:18 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Sir Franils Drummond Chaplin was 'n Administrateur van Rhodesië. Gebore in 1866 in Twickenham, Londen. Studeer in Oxford en word advokaat in 1891. Die jaar daarna emigreer hy na Johannesburg en word korrespondent van die Londen Times. Hy ontmoet Cecil Rhodes en gaan na Kimberley. In 1900 word 'n pos by Consolidated Goldfields, Rhodes se maatskappy, hom aangebied. Hy word gesamentlike bestuurder in Johannesburg kort na die Britse besetting van die stad. Tydens die Milner-bewind dien hy op die genomineerde Johannesburgse Stadsraad en word gekies as lid vir Germiston nadat verantwoordelike bestuur toegeken is. Nadat sir William Milton afgetree het, word Chaplin aangestel as Administrateur van Suid-Rhodesië (Zimbabwe) en later Noord-Rhodesië (Zambië) waartydens hy die twee poste gesamentlik beklee tot aan die einde van die Chartered Company administrasie in 1923. Na sy terugkeer na die Unie vestig hy hom in die Kaap, waar hy in 1924 verkies word as lid van die Unie-Parlement. Hy is oorlede in 1933.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
