| Amsterdam [boodskap #120974] |
Sun, 11 November 2018 16:25  |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Amsterdam is 'n dorp in Oos-Transvaal aan die riviere Ithole en Ghobosch. Die dorp lê 70 km van Ermelo en 16 km van die grens met Swaziland. Die grenspos staan as Nerston bekend.
Die gebied is in 1864 deur die Skot, Alexander McCorkindale, as 'n republiek gestig en "New Scotland" genoem (deel van 'n immigrasieskema vir Skotte). Die dorp is in 1881 gestig deur Roburnia Township Co. (in ’n nedersetting van Skotte en Engelse) wat dit Roburnia (na die Skotse digter Robert Burns) genoem het. In 1898 neem die Z.A.R. die dorp oor en vernoem dit Amsterdam vanweë die baie watervore wat langs die strate loop, waarvoor die dorp ook bekend is. Die plek staan egter nog in die omgewing as "New Scotland" bekend. Die vernaamste bedrywe is bosbou en gemengde boerdery. Bevolking teen die middel van die 20ste eeu: 2,244 (992 Blankes).
Bronne:
1. Ensiklopedie van Suidelike Afrika, Eric Rosenthal, 1967
2. Die Afrikaanse Kernensiklopedie, J.P. Scannell (red.), 1965
Laat weet as u oor addisionele inligting beskik wat ons hier kan bywerk.
|
|
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
