Dis nou 'n wet wat ingestel wil word deur die minister, waar grond onteien kan word op die gesag van die minister, sonder dat daar 'n gewillige verkoper en koper kan wees, en sonder dat die staat gedagvaar kan word. Sy verklaar dat dit "net" 'n maatreël is wat ingestel word, maar dat die oorspronklike optrede nog steeds toegepas sal word. Wat eienaardig is, is dat sy hierdie wet suutjies en baie haastig deur die wetgewer wil stoot sonder bespreking in die parlement.

Indien die regering deurdruk met die wetsontwerp op grondonteiening wat in sy huidige vorm "so blatant ongrondwetlik is", sal die DA dit tot in die konstitusionele hof beveg.

Ek het die minister van buitelandse sake (@SecPompeo) gevra om die grond- en plaasbesettings en die grootskaalse moorde van boere in Suid-Afrika se ondersoek. "Suid-Afrikaanse Regering gryp nou grond van wit boere."

I have asked Secretary of State (@SecPompeo) to closely study the South Africa land and farm seizures and expropriations and the large scale killing of farmers. "South African Government is now seizing land from white farmers."

Ons [Trump en ek] het saam by 'n middagete aangesit, so ons het nie werklik tyd gehad het om oor die tweet te praat nie. Dit was net 'n geleentheid om blad te skud, om te vra: "hoe gaan dit?", en so aan. Maar oor die tweet self, dit was duidelik oningelig. Wie ook al hom die inligting gegee het, was heeltemal verkeerd. Daar is geen moord op boere... wit boere in Suid-Afrika nie. Daar is geen grondgryp in Suid-Afrika nie. Ons is besig met 'n proses om grondhervorming in Suid-Afrika te bespreek. Grond was die oorspronklike sonde in die geskiedenis van Suid-Afrika. Ons wil regstel wat baie jare terug verkeerd gegaan het... honderde jare terug toe die grootste gedeelte van die land deur 'n minderheid gekaap is.