| DIE LAND VAN WOL EN HARE - W. O. Kühne [boodskap #100703] |
Thu, 16 December 2004 09:16  |
![Die Gemaskerde Donder[1] is tans af-lyn](/theme/default/images/offline.png "Die Gemaskerde Donder[1] is tans af-lyn")
Die Gemaskerde Donder[1]
Boodskappe: 3
Geregistreer: December 2004
Karma: 0
|
Junior Lid |
|
|
DIE LAND VAN WOL EN HARE
Die wêreld is 'n ronde bol,
van binne is hy hol.
En in die middel, vol gevare,
lê die Land van Wol en Hare !
Onder is bo
en agter voor -
dit is alles baie snaaks.
Ons het dit al verander,
en dit bly nog altyd so
in die Land van Wol en Hare.
Die son skyn snags
- die maan bedags,
raak is altyd mis.
Laag is hoog en
kom is gaan -
En as jy loop
dan bly jy staan
in die Land van Wol en Hare.
Verkeerd is reg,
goed is sleg
en soet is baie bitter,
maar swart is wit
en swarter baie witter.
As jy opstaan, bly jy sit
in die Land van Wol en Hare.
Jonk is oud,
warm is koud
en 'n myl is twee myl lank.
Die waens is sonder wiele
en die huise is van plank
in die Land van Wol en Hare.
Die mense kan wel lag en sing
en hulle dans te mooi in pare.
Maar niemand sê 'n woord nie -
hulle gesels net met gebare
in die Land van Wol en Hare.
Die mense speel kalbaskitare
en werk in die akkers met houtploegskare.
Hulle eet net
pap -, sop -, waternat beetblare
in die Land van Wol en Hare.
Die seuns werk stekies met tolbosgare,
en af en toe met wol.
Die meisies draai tabaksigare
van ou verlepte taaibosblare
en saans speel hulle tol
in die Land van Wol en Hare.
W. O. Kühne
|
|
|
|
|
|
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
