| Weermag is noodsaaklik [boodskap #98012] |
Vr, 10 September 2004 09:48 |
PietR
Boodskappe: 3341
Geregistreer: Julie 2003
Karma: 0
|
Senior Lid |
|
|
Hierbo het ons lang argumente gegooi oor die SA Weermag en sy rol in die
politieke bestel van SA en destydse SWA. Daar is die neiging onder die
meer liberale gesindes onder ons om die weermag van 'n land af te maak as 'n
onnodige organisasie wat net die publiek se belastinggeld mors, ens.ens.
In my opinie is dié houding totaal verkeerd. Hoekom?
1. 'n Land se weermag is nie net offensief nie, maar ook defensief. Om
in enige van die twee effektief te wees, moet jy op hoogte bly van nuwe
wapentegnologie, die ontwikkeling en die maak daarvan. Dis nie goed wat in
een dag besluit en gemaak word nie. Net om 'n idee te gee, die 'stealth'
vliegtuie van die VSA wat nou so wonderlik is, was reeds in die 1950's op
die tekenbord! Vlieënde pierings is al gedurende die WW2 deur die Duitsers
probeer, ens. Om 'n enkel geweer te ontwikkel, kan maklik 5 - 10 jaar vat
voor die eindproduk in 'n soldaat se hand kom.
Dan is daar natuurlik die navorsing wat nodig word in so 'n groot
staatsorganisasie, soos bv. mediese dienste. Nie net alleen gewone mediese
dienste moet gelewer word nie, maar ook rekonstruktiewe geneeskunde moet
bedryf word en baie, baie vordering is gemaak uit militêre hospitale en
klinieke wat tot goed van die breë publiek aangewend kan word. Klaar
gestudeerde dokters in sy dienspligtydperk lewer 'n waardevolle bydrae tot
die gemeenskap. mens dink aan die navorsing wat gedoen is deur die
Sentrum vir Lugvaartgeneeskunde in Pretoria.
2. 'n Weermag het in die proses om beide te kan aanval en verdedig
verskeie vaardighede nodig en vele van daardie vaardighede en toerusting
word ook vir siviele doeleindes aangewend. 'n Goeie voorbeeld hier is die
helikopter en sy rampreddingsvermoë in 'n vloed soos in Mosambiek 'n klompie
jare gelede. Of wat van humantêre rampe wat gebeur en daar met groot spoed
tente, beddens, komberse en klere benodig word. Net een organisasie is
gerat daarvoor: 'n Effektiewe weermag.
3. Nasietrots en welwillendheid: 'n Effektiewe trotse weermag van 'n la
nd kweek 'n welwillendheids en beskermde gevoel onder sy burgers en
natuurlik uitvloeiend hieruit is die verskeie orkeste en kore en ander
uitvoerende funksies van die weermag wat kan optree op publieke
aangeleenthede.
4. Sosiale funksie: 'n Dienspligstelsel gee vir die staat 'n goeie
gebruik van sy jong mense vir 'n jaar of twee teen 'n billike tarief. Aan
die een kant word die jong mense blootgestel aan volwasse dissipline en oor
die algemeen gee hulle 'n groot tree vorentoe na verantwoordelike
volwassendheid en aan die anderkant kan verskeie dienste gesteun word deur
toepaslik opgeleide dienspligtiges. Mens dink bv. aan die hospitale, ens.
5. Werkskepping: Nie alle mense is professionele materiaal nie en nie
almal is entrepeneurs nie. Vir 'n feit verkies meeste mense om vir 'n
beroep met salaris, goeie byvoordele en 'n goeie pensioen te werk. Daar is
die tipe mens wat die dissipline en georganiseerdgeid van 'n weermag perfek
vind omdat dit sy persoonlikheid pas en vir die mense is die weermag 'n
wonderlike beroepsgeleentheid. Baie mense dink so oor die duim geskat dat
'n weermag net gaan oor skiet en oorlog, maar min besef dat om 'n enkele
soldaat in die veld te plaas, is daar tussen 14 en 18 mense agter hom nodig
wat nooit 'n slagveld sal sien nie, net om daai een soldaat vry te stel om
operasioneel te wees. Dis nou die ouens wat sorg dat hy kos kry, sy
vervoer reg is, sy wapens effektief is, wat hom regmaak as hy seerkry, sy
salaris betaal, sy klere verskaf, sy behuising verskaf, ens, ens.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
