Tuis » Algemeen » Koeitjies & kalfies » Wat is rassisme eintlik en hoe word dit misbruik?
| Wat is rassisme eintlik en hoe word dit misbruik? [boodskap #87694] |
Fri, 28 November 2003 13:57 |
![Frikkie Potgieter[2] is tans af-lyn](/theme/default/images/offline.png "Frikkie Potgieter[2] is tans af-lyn")
Frikkie Potgieter[2]
Boodskappe: 439
Geregistreer: November 2000
Karma: 0
|
Senior Lid |
|
|
"RASSISME" 'n KOMMUNISTIESE SKELDTERM
Daar word vandag 'n groot gewag gemaak van die begrip "rassisme". Die
Nasionale Konferensie oor "rassisme" (NKR) word vanaf 30 Augustus tot
2 September 2000 in Johannesburg gehou. Thabo Mbeki het in Februarie
2000 gesê dat "racism will continue to exist in our society unless
all of us engage this monster consciously and systematically". Die
Suid-Afrikaanse Menseregtekommissie (MRK) was hierdeur geïnspireer om
die "nasie" oor "rassisme" te laat praat. Dit het die NKR tot gevolg
wat ten doel het "a commitment to building a non-racial, united and
reconciled society". Die uitgangspunt is duidelik: "rassisme" is 'n
feit; dit is 'n monster en moet uitgeroei word deur een en elk se
samewerking. Die woord is gevolglik reeds met soveel negatiewe emosie
belaai, dat 'n aanklag van "rassisme", 'n aangeklaagde onmiddellik
in 'n negatiewe en veronregte posisie plaas. Daarom die geskarrel
van 'n ieder en 'n elk om tog net nie as "rassis" uitgekryt te word
nie. Maar wat sit daaragte? Is dit waar? Is "rassisme" werklik die
monster in ons samelewing? Dit is dwingend noodsaaklik dat Afrikaners
hulle van die ware feite sal vergewis.
WAT IS "RASSISME"?
Dit is interessant dat nòg die MRK, nòg die verslag oor rassisme in
die media, wat in opdrag van die MRK deur 'n sekere Claudia Braude
opgestel is, die moeite doen om die begrip "rassisme" te definieer.
Dit terwyl die MRK gretig is om persone aan te kla van
sogenaamde "rassisme".
Dit is insiggewend dat die 1963-uitgawe van die Verklarende
Afrikaanse Woordeboek nie die woord "rassisme" enigsins vermeld nie.
Die Handwoordeboek van die Afrikaanse Taal (1985- uitgawe)
omskryf "rassisme" as die veronderstelling dat karakter en
bekwaamheid bepaal word deur ras en gaan dan sommer ook verder en
stel dat "rassisme" 'n denkrigting is wat aanneem dat 'n besondere
ras meerderwaardig is en die reg het om ander rasse te oorheers.
Volgens die Concise Oxford Dictionary word "rassisme" omskryf as die
teorie dat menslike vermoëns bepaal word deur ras. Volgens die
Concise Oxford Dictionary beteken "racialism" dat 'n persoon glo dat
sy ras meerderwaardig is.
Tereg wys die politieke redakteur van die Mail & Guardian daarop dat
daar 'n verskil is tussen "racialism" en "racism". Volgens hom
beteken eersgenoemde dat geglo word dat daar verskille tussen rasse
bestaan en laasgenoemde dat, aangesien daar verskille bestaan, rasse
verskillend hanteer moet word. Hierdie definisie van "rassisme"
verskil aansienlik van die betekenis wat tans in Suid-Afrika aan die
word "rassisme" gegee wil word.
In Suid-Afrika word Blankes, en veral Afrikaners uitgekryt as
die "rassiste" in die samelewing, sonder enige vrees vir teenspraak;
of dan minstens dat die Blankes die eintlike of grootste "rassiste"
is aangesien die Blankes klaarblyklik neersien op die Swartes. Dit is
verder insiggewend dat die kwessie van "rassisme" die Swartes in die
besonder pla. 'n Mens wil vra: Ly hulle dan aan 'n
minderwaardigheidskompleks?
As "rassisme" beteken dat 'n persoon glo dat daar verskille tussen
rasse bestaan, dan is elke nasionalis ook 'n "rassis". Trouens, om te
ontken dat daar verskille bestaan tussen verskillende rasse, is 'n
ontkenning, en maak 'n bespotting, van die werklikheid.
Die "kenners" oor "rassisme" stel verder dat diskriminasie op grond
van ras, ook "rassisme" is. Nasionalisme is gebou en erken die reg op
voorkeur vir die eie, wat diskriminasie teen die vreemde, die
onbekende, veronderstel. Nasionalisme is waarderende diskriminasie
van feitelikhede. Om derhalwe toe te gee dat "rassisme" 'n monster is
en jouself van "rassisme" , soos verstaan deur die MRK, te
distansieer, is om nasionalisme die rug te keer.
Gegewe die vele betekenisse wat aan die woord "rassisme" gegee word,
kan daar van niks anders as 'n ideologie van "rassisme" gepraat word
nie. 'n Ideologie word deur die Oxford Dictionary beskryf
as "fancyful speculation". Die hele geskarrel rondom die
begrip "rassisme" kan as niks anders as 'n lawwe verbeeldingsvlug
("fancyful speculation") beskou word nie. Enersyds is dit so omdat
niemand klaarblyklik weet wat die begrip nou werklik moet beteken nie
en andersyds omdat, deur aan te voer dat daar nie onderskeid gemaak
mag word op grond van ras en kleur nie, dit niks anders as "fancyful
speculation" is nie. Soos alle ideologieë is die ideologie
van "rassisme"'n plan om 'n onwerklikheid op te dwing aan die
werklikheid. Daarom sat dit ook lei tot geweld.
IDEOLOGIESE AANVALSWAPEN
Maar waar het "rassisme" sy oorsprong? En wat lê daaragter ?
"Rassisme" is 'n ideologiese aanvalswapen van die Kommunisme en is
afkomstig van die Bolshevisme. In 1922 het die Bolshevik leier
Selenkov in Moskou dit soos volg gestel:
"We must create a climate of anti-nationalism and anti-racialism
amongst whites. We must reduce patriotism and pride of race to
meaningless obstructions and make racialism a dirty word".
Die gevolgtrekking is duidelik: Die ideologie van "rassisme" is
bedink as 'n teenvoeter vir nasionalisme en rassetrots. Want
nasionalisme en rassetrots is die groot teenvoeters en teenstanders
van die Kommunisme en hulle liberalistiese meelopers. Die ideologie
van "rassisme" rus op haat vir witmanskap, soos die Kommunis dit
verklaar het. Dit verklaar waarom daar klaarblyklik net
Blanke "rassiste" kan wees maar nie ook Swart "rassiste" nie. Dit
verklaar ook hoekom 'n "Black Lawyers Association" nie "rassisties"
is nie, maar indien enige Blanke organisasie geskep word, dit
as "rassisties" beskou word en boonop deur die Handves van Menseregte
verbied word.
Hier moet ook onthou word wat Beria, die Kommunis in 1953 gesê
het: "Degradation and conquest are companions. To be conquered, a
nation must be degraded ...degradation can be accomplished
insidiously ... and effectively by consistent and continual
defamation ... continued and constant degradation of national
leaders, national institutions, national practices and national
heroes must be systematically carried out".
So het eers apartheid en nou "rassisme" die skeldwoorde geword
waarmee die Afrikaner belaster is (en steeds word) totdat uit eie
geledere die aanval voortgesit en verhewig is en die verowering
geskied het sonder dat 'n skoot geskiet is.
So sê Beria sal "a general degraded feeling" ontstaan en sal die
lojaliteite verander en besit geneem word van 'n volk se waardes. In
hierdie proses, sal gevestigde instellings vernietig word wat die
nodige chaos sat voortbring om 'n Kommunistiese staat te skep: "[To]
create the necessary attitude of chaos, idleness and worthlessness
[and] effectively kill the national pride and patriotism of just one
generation ... we will have won that country ... therefore there must
be continual propaganda ...to undermine the loyalty of the
citizens... By perverting the institutions of a nation and bringing
about a general degradation ... a population can be brought
psychologically to heel..."
Onlangs het prof Jurie le Roux, 'n Ou-Testamentikus aan die
Universiteit van Pretoria, geskryf hoe hierdie aanslag 'n toestand
tot gevolg het waar die Afrikaner vandag "tot die dood toe siek" is.
Hy noem dit 'n virus, die "anti-apartheidsteologie", wat mense se
lewens verwoes en vernietigend onder die Afrikaner te werk gaan. Dit
het volgens hom die Afrikaner in so 'n skuldgevoel gedompel dat dit
die Afrikaner passiveer; die Afrikaner is so gedemoniseer dat hy te
bang is om vir homself te veg. Hy praat van 'n Afrikaner-volksmoord!
Maar terwyl dit 'n teostand is wat onder baie Afrikaners heers, sê
prof Willem de Klerk op 21 Augustus by die RAU dat predikante moet
preek vir vergewing oor die sonde en die misdade van apartheid sodat
die Afrikaner tot insig kan kom oor diè politieke dwaling. Dit sal
volgens hom tot gevolg hê dat Afrikaner nie meer "hond hoef te voel"
oor apartheid nie. Beria, die Kommunis, kon dit nie beter gestel het
nie!
Ons land is die misdaadhoofstad van die wêreld. Mense word vermoor
vir R20, 'n selfoon of 'n fiets, of nog erger; sonder enige rede uit
blote haat en wraaksug! Dit is die chaos waarvan Beria praat. Dit is
die Kommunistiese staat wat FW de Klerk, sy broertjie en sy
Broederbondbendetjie op ons afgedwing het deur skaam te word vir
apartheid en weg te skram van die beskuldigings van "rassisrne"
eerder as om op te staan vir die Afrikanervolk en sy vaderland.
Tydens die Internasionale Simposium oor die Kommunisme wat in 1966 in
Pretoria gehou is het prof Possony gestel dat die rassefaktor deur
die Kommunisme gebruik sal word om ander kwessies te vervang.
Rassekonflik en volgehoue propaganda oor beweerde "rassisme" tesame
met stelselmatige karaktermoord van 'n politieke bestel sal vir die
Kommunis die geleentheid skep om die Afrikaner in 'n lokval te lei om
van sy reg om hierdie land te regeer, afstand te doen. Volgens hom
het die liberale magte wat die Kommunisme dien nooit 'n idealistiese
of oortuigende doelwit van hulle eie nie, maar skep dit utopiese
skynbeelde. Dit benodig desperaat 'n voorwerp van haat en "rassisme"
het hierdie voorwerp van haat geword.
Die aanvalswapen van "rassisme" kom uit die Kommunistiese arsenaal.
Wat prof HG van der Westhuizen oor die Kommunisme sê kan nie genoeg
herhaal word nie: Kommunisme is 'n veelkoppige monster met 'n
sataniese anti-Christelike hart. Dit kom op die Afrikaner aangespoel
in vele gedaantes. "Rassisme" is een daarvan. Dit sal die Afrikaner
verslind as hy nie waaksaam is nie.
RAS 'n FElT, AANKLAG VAN "RASSISME" 'n OORLOGSVERKLARING
Ras en rasseverskille is 'n feit soos 'n koei. (So slag sommige koeie
in hulle agterplase en ander verkies die higiëne van 'n slagpale).
David Welsh 'n politieke ontleder het in Die Burger van 15 Junie
1999, net na die Algemene Verkiesing van 1999 geskryf: "Ras was die
fundamentele faktor in die verkiesing van 1994 en 1999". Die feit van
ras en rasseverskille kan nie wegredeneer word nie en daarom sal
rassevoorkeur en rassevooroordeel altyd bestaan. Nasionalisme erken
hierdie feit en respekteer hierdie verskille. In 'n veelrassige
samelewing is die ontkenning daarvan 'n resep vir selfmoord. Welsh
voeg betekenisvol by dat as een politieke party 'n ingeboude
meerderheid het danksy ras of etnisiteit, het mens met 'n "manke
demokrasie" te doen. Afrika word gekenmerk deur manke
eenpartydemokrasieë. Deur iemand die kleed van "rassis" om te hang,
is 'n bedenklike metode om so 'n persoon sy morele spreekbeurt te
ontneem. Dit het inderdaad, soos 'n Vlaamse skrywer opmerk, 'n metode
geword om iemand "'n smerige etiketten op te kleven". Die
klaarblyklike oogmerk is om "rassisme" te verhef tot 'n skeldterm wat
die opperste verwerplikheid moet verteenwoordig. 'n "Rassis" word oor
dieselfde kam geskeer as 'n misdadiger.
Dit is nie alleen intellektueel oneerlik nie, maar getuig ook van 'n
beangste onverdraagsaamheid en asembenewende fundamentalisme. Noem
iemand net 'n rassis en die argument is gewen. Elke ingeligte persoon
weet dat die woord "rassisme" die woord is waarmee die Kommuniste
hulle nasionalistiese teenstanders aanval om sodoende die offensief
teen Kommunisme om te keer.
"Anti-rassisme" bet die kodewoord geword van sosialistiese
transformasie. As jy die kommunistiese transformasie in Suid-Afrika
teenstaan of selfs net kritiek teen die nuwe bedeling uitspreek,
staan jy gevaar om as "rassis" gebrandmerk te word. Vryheid van
spraak is dan ook nie gewaarborg vir die teenstanders van die nuwe
regime nie. Aan die voorpunt van hierdie stryd, wat niks anders as 'n
verbloemde aanval teen nasionalisme is nie, is die liberalistiese
meelopers van die Kommuniste. Maar soos James Burnham in Suicide of
the West gesê het die liberalisme is besmet met die Kommunisme en
deel die meeste beginsels van die Kommunisme. Die liberaliste het
sodoende gehelp dat die fiksie van rasloosheid tot ideologie uitgebou
en "rassisme" tot skeldterm verhef is.
Die aanklag van "rassisme" teen die Afrikaner is 'n
oorlogsverklaring: Dit verneder die Afrikaner en maak hom skaam vir
sy ras en dit gee aan die Swarte vrypas om te roof en te moor, omdat
hy opgesweep word deur die emosie wat daardeur opgewek word. Stjepan
Mestrovic skryf in sy boek Genocide after Emotion wat handel oor die
oorlog in Joegoeslawië, dat deur die opwekking van genoeg emosie
oor 'n leuen die saad gesaai is vir 'n volksmoord! En waar dit dan
duidelik is dat die ideologie van "rassisme" nie gebou is op feite,
waarhede en werklikhede nie, maar op emosie, skuldgevoelens en
ontkenning van werklikhede, is die resultaat vervolging van die
Blanke, sogenaamde integrasie en uiteindelik soos dr HF Verwoerd
gestel bet, die disintegrasie en die vernietiging van die Blankedom!
Die aanval op die Afrikaner se rassebasis is 'n aanval teen Afrikaner-
nasionalisme en teen die bestaan van die Afrikaner. Want nasionalisme
is rasgebonde. Die MRK moet besef dat hy nie alle Afrikaners so
maklik om die bos sal lei met sy aanklag van "rassisme" nie. Die kern
van die Afrikanervolk het nie sy selfrespek verloor nie. Hulle sal
hulle afsonderlikheid betuig en ander daardeur aanspoor om op te
staan teen hierdie misdadige bestel. Om weer Afrikaner en witman in
Afrika te wees!
http://www.hnp.org.za
|
|
|
|
| |
  |
Gaan na forum:
[ XML-voer ] [  ]
Tyd nou: Fri Jan 10 17:53:44 UTC 2025
|
Supertaal
Blog
Soek
Hulp
Lede
Registreer
Teken aan
Tuis
