| 'n Kaapse koor op TV [boodskap #84916] |
Vr, 03 Oktober 2003 07:52 |
TJ
Boodskappe: 723
Geregistreer: Januarie 2004
Karma: 0
|
Senior Lid |
|
|
KUNSKAFEE (168)
Sondag 5 Oktober 2003
kykNet 19:30
Herhalings:
Maandag 6 Oktober om 15:00
Dinsdag 7 Oktober om 10:00
Ankeraanbieder: Dawn Matthews
Veldaanbieders: Melt Sieberhagen, Johnny Davids, Lize Briedenhann
Boekerubriek: Hettie Scholtz
KUNSKAFEE is 'n kunsjoernaalprogram wat alle kunsvorme so wil reflekteer dat
dit vir Jan Alleman toeganklik sal wees - sonder om die fynproewer teleur te
stel. Van teater tot beeldhouwerk; argitektuur tot landskapkuns; klassieke
musiek tot pottebakkery; ballet tot moderne dans; skilderkuns tot
straatkuns; letterkunde tot strokiesprente; rekenaarkuns tot die Internet;
fotografie tot spotprentkuns.
KUNSKAFEE word nie vanuit 'n ateljee uitgesaai nie. Die stel is verskillende
en uiteenlopende plekke - 'n teater, uitstalling, 'n besondere stuk
argitektuur, 'n galery en so meer.
Die program bestaan nie net uit insiggewende profiele oor kunstenaars en
besondere kunsgebeurtenisse dwarsoor Suid-Afrika nie. Daar is ook 'n
weeklikse kringloop waarin daar om die beurt 'n draai gemaak word by
verhoogproduksies, uitstallings, CD-bekendstellings en uitvoerings in die
Wes-Kaap en Gauteng.
Alhoewel "Kunskafee" op M-Net se Afrikaanse TV-kanaal kykNET uitgesaai word,
is die program tweetalig (Afrikaans en Engels). Dit reflekteer die ryk
tapisserie van plaaslike sowel as internasionale kunstenaars wat ons land
besoek.
* Kunskafee se ateljee hierdie week is die Kaapse kunshandelaar Joshua
Rossouw se nuwe galery. Hy verkoop werke van talle ou bekendes met wie sy
verbintenis al oor 'n lang tydperk strek, maar nuwelinge maak ook gereeld 'n
verskyning in sy galery.
* Kagiso Pat Mautloa is 'n skilder wat die mense en die wêreld rondom hom op
unieke maniere in sy werk weergee. Sy ateljee by die Bag Factory in Newton
is perfek geleë vir hom om 'n konstante vloei van inspirasie te hê. Hy het
onlangs by die Goodman Galery uitgestal en Melt Sieberhagen het met hom gaan
kennis maak.
* Die Tygerbergse Kinderkoor word al 'n geruime tyd as een van Suid-Afrika
se beste kinderkore beskou. Die koor vier vanjaar sy dertigste bestaansjaar
en is steeds onder leiding van Hennie Loock. Lize Briedenhann het gaan
luister en meer oor hulle planne vir die feesjaar uitgevind.
* In Gauteng val die kollig op twee uiteenlopende teaterproduksies. By die
Studio by Montecasino word daar gekyk na die nuwe Simon Gray toneelstuk
"Japes", met Neels van Jaarsveld, Ashley Dowds en Shannon Esra in die
rolverdeling. Op 'n veel ligter noot kyk ons na die stoute seuns van rock
se musiek- eskapades in "Men behaving badly" by die Stage Door in Melville.
Ria Engelbrecht
Pieter Cilliers Produksies
011 789 6780 (t)
011 789 6647 (f)
www.pcp.co.za
www.artslink.co.za
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
