| " Winter " deur TOTIUS [boodskap #79743] |
Vr, 27 Junie 2003 01:51 |
|
|
Oorspronklik gepos deur: @rogers.com
Totius
Winter
Die wilgerboom se takke vleg
- so jaag die storm - deurmekaar,
en van die moedertwygie vlieg
die nou alreeds vergeelde blaar
in warrelende neervaart weg.
Dit is nie een, dis tien en meer,
die blare, in hul wilde vlug
gelyk'nis van 'n sprinkaanswerm -
so roei en ruil hul deur die lug
en strek hul op die bodem neer.
Ek sien die boom met deernis aan,
al arm in sy deursigtigheid.
Maar op die grond skuif blad oor blad,
in eenheid saam 'n geel tapyt
waarvoor ek stilverwond'rend staan.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
