| " drome is ook wonde " deur BREYTEN BREYTENBACH [boodskap #75484] |
Mon, 07 April 2003 23:52 |
|
|
Oorspronklik gepos deur: @rogers.com
Breyten Breytenbach
drome is ook wonde
elke droom skryf so sy klein, geheime briewe
soggens soek ons die rofies ink in die spieël
om dit weg te kan bêre in argiewe
maar die wonde genees nie
die donkerste bloed bly blom
boorde van revolusies oor die laken
of die borreling van liefde in tuine
van wonde wat nie genees nie
selfs die dowe mag drome droom
soos die malle sy briewe mag fluister
en die blinde na die wind mag kyk
die pyn kneus ons alles 'n inniger kleur -
hoe groen was die voëls in die tuine
van my jeug, hoe ryp en geverf was die son
en die sneeu genees nie
die wêreld is 'n vers ryk aan mense
die mense is konings ryk aan bome
van vrees of van haat, of bome van verlange
wat die drome nie genees nie
want hiér is ons enigste ewige paradys -
ons is ryk soos die visser ryk is
as hy sy laaste eiers sorteer en tel
en die vis terug gee aan die see,
om te kan praat soos eiers kan praat
om te sing soos golwe só lankal bloei
van bloed wat nooit genees nie
die soldate het oë soos ertjies
die boere het hande van grond
en almal droom boodskappe en wêrelde
vol blomme wat nie kan genees nie
daar kom selfs 'n papegaai in die gedig, 'n geel papegaai
wat sy griewe kom lug van strofe
tot reël met die klag in sy tong se swart seile
sodat sy lied nie genees nie
so sal my nagte nooit genees of lees nie
want jy het gekom om my laaste bloed te laat
sou jy ook dan net 'n litteken op my wees?
sonder bloed kan ons nie bloei nie
en ons drome is die nag se bloed
soos ons bloed en 'n bloed gedroom is
só bly ek 'n bedmaarskalk
wat nagteliks leër vloei,
ek pars al die ink uit my hart
vir jou, gedroom, wat nie genees nie
ons liggame is dan omhulsels vlees
wat ook eendag droog moet word, en kieries
as ons, oplaas, droomloos, gaan slaap
en dan eers sal die water asyn word
en die stilte sy reënboë span
en dan sal ons drome ontmoet
en mag dié briewe nooit genees nie
nee, die wonde sal nooit genees nie
(Wesak 1966)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
