| " Snoektyd " deur I.D. du PLESSIS [boodskap #68225] |
Wo, 06 November 2002 00:35 |
|
|
Oorspronklik gepos deur: @rogers.com
I.D. du Plessis
Snoektyd
Die Kaap is weer dooddollie,
Die bloudam vol blinklywe,
Vanaand eet ons in Roosstraat
Snoekentjies en ywe.
Voor sonop span ons Lightning in
En ry die heuwel af.
Hy's agtien jaar, maar kan nog deur
Die Kaapse strate draf.
En Doeltjie blaas die beuel
Wat soos 'n maagsiek spook
Die mense van die Onder-Kaap
Oenang om te koop.
Die mootjies is weer volop,
Die motjie skuur die pan
En bak die vis so lekker
Soos net ons motjies kan.
Kyk hoe kom die skuite aan,
Diep met hul vrag, by Roggebaai.
Die booia praat weer van die dag
Toe syne daar was, só gelaai.
Die Kaap is weer dooddollie,
Die bloudam vol blinklywe,
Vanaand eet ons in Roosstraat
Snoekentjies en ywe.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
