Tuis » Algemeen » Koeitjies & kalfies » Hy was nie die enigste ene nie
| Hy was nie die enigste ene nie [boodskap #67764] |
Wo, 23 Oktober 2002 22:25 |
Annette
Boodskappe: 11112
Geregistreer: Augustus 2003
Karma: 1
|
Senior Lid |
|
|
Philip Wouter de Vos, gedoop in Stellenbosch in 1731, was die 5de kind van
Wouter de Vos van Groenlo in Nederland.
Philip het by Parel Vallei , naby Hottentots Holland , geboer, en was een
van die heemraadslede van Stellenbosch.
In 1757 trou hy met Isabella Wium, en in die volgende 20 jaar het hulle 12
kinders. Isabella se gesondheid word geknak agv die herhaalde knippies, en
in 1775, 'n paar maande na die geboorte van die 9de kind, het De Vos glo vir
die slaaf Francina gevra, toe omtrent 30 jaar oud, om hom seksueel by te
staan.
Francina, dogter van Jan Pieter Wiemert, was gekleurd. Teen daardie tyd het
sy al klaar haar baas se rykdom vergroot met 4 slawekinders: Mercuur, Styne,
Lena en Clara - sommige gekleurd en sommige wit.
Volgens Francina was sy deur haar baas genader wat seksuele toenadering met
haar wou hê omdat mevrou Isabella floutes gekry het.
Francina het aan hierdie versoek toegegee, met die uitdruklike
verstandhouding dat sy en die kinders wat uit hierdie toenadering sou
voorspruit, as slawe vrygelaat sou word.
Toe hul dogter Francina gebore word, is die kind geklee, geskool en behandel
soos sy eie binne die eg kinders deur De Vos.
Telkens as Francina sr De Vos herhinner het aan sy belofte dat sy as slaaf
vrygestel sou word, is sy belowe dat dit met sy dood sal gebeur, en sy is
gevra om nie meer hierdie netelige kwessie te opper nie. Selfs toe sy hom
bystaan met sy sterfbed in 1793, het hy haar verseker dat sy nie bekommerd
moet wees dat sy en haar kind na sy dood vrygestel sal word nie.
Isabella is intussen in 1779 dood kort nadat sy die geboorte aan 'n tweeling
geskenk het, en 'n jaar later trou De Vos toe met Femma Posthumus ( 1740 -
1825), 'n weduwee met etlike kinders.
Femma se ouma was Anna Maria van die Kaap, en was 'n kleurling. Sy het ook
gou aan De Vos sy 13de en laaste "wettige" kind die lewe geskenk, en mens
kon maar net aanneem dat sy seksuele hulp vanaf Francina nie meer nodig was
nie.
Francina was vry om ander geselskap te soek, en gedurende die volgende paar
jaar is Rosina, Mietje, Joseph, Pieter en Levina gebore . Almal blank. Julle
vader was 'n Heiniger of Heyneke.
Met De Vos se oorlye in 1793, is daar toe 'n rusie tussen Femma en De Vos se
oudste kind Wouter ( gebore 1758) oor die testament.
Met behulp van die Hof is daar toe besluit om al die bates , insluitende
Francina, op te veil. Francina jnr , wie se pa nie sy belofte nagekom het
nie, word toe ook as 'n slaaf en bate in die boedel beskou.
Francina jnr is op die veiling gekoop deur Daniel Hiebner, met die doel om
haar as slaaf vry te stel.
Al die oorspronklike De Vos kinders was verbaas dat Francina jnr as slaaf
opgeveil word, aangesien hulle almal aangeneem het dat sy met De Vos se dood
as slaaf vrygestel is.
Toe hulle die saak aan hul stiefmoeder opper, het Femma vir Hiebner gevra om
Francina jnr aan haar terug te besorg, en sy het die koopsom van Francina
aan Hiebner teruggegee. Hiebner se voorwaarde tot toestemming van hierdie
transaksie met Femma was dat Femma nooit weer vir Francina jnr sou verkoop
nie, maar dat sy haar sal vrylaat.
Volgens Femma weet sy nie van hierdie ooreenkoms met Hiebner nie.
Dus, op die dag van die veiling, na beswaar van die De Vos kinders dat
Francina opgeveil word, het Femma vir Hiebner sy 871 Ryksdaalders gegee, en
toe die aankoop aangeteken is, is Femma se naam, en nie Hiebner s'n nie, op
die vendu-rol aangetoon - sonder voorwaardes.
Derhalwe, agv haar vader se verbreekte beloftes, word Francina jnr toe die
besitting en slaaf van Femma.
Slawe was nie toegelaat om te trou nie, en Francina jnr het aan 3
buite-egtelike dogters geboorte gegee teen 1811. Daardie jaar is Francina
jnr, saam met haar jongste kind, as slaaf verkoop om Femma se skuld te
betaal.
Nou moet ons wag tot volgende week om die res van Francina se verhaal te
hoor.
|
|
|
|
| |
  |
Gaan na forum:
[ XML-voer ] [  ]
Tyd nou: So Nov 24 05:50:35 MGT 2024
|
Supertaal
Blog
Soek
Hulp
Lede
Registreer
Teken aan
Tuis
