| Hikhoes [boodskap #67073] |
Vr, 04 Oktober 2002 12:12 |
Annette
Boodskappe: 11112
Geregistreer: Augustus 2003
Karma: 1
|
Senior Lid |
|
|
Dis nou my vertaling vir hiccup ( hiccough) wat in die M&G vandag gebruik
is.
In kort werk die legkaart so:
BAe ( British earospace) , as deel van hul vergoedingspakket in die
wapensage, moes sorg vir die instelling van 'n industrie waar die verwerking
van goud plaaslik gedoen kan word sodat werkskepping en opleiding kan
plaasvind vir die werkloses .
Oro-Maska, wat beheer word deur G5 Internasionaal met 'n 51% aandeel, en die
ander deel wat besit word deur SA maatskappye - Harmony Gold, IDC (
Industrial Development Corporation) en FDC ( Free State Development
Corporation) sou die industrie vestig in Virginia, Vrystaat.
110 Indiërs vanaf Indië word toe in Oktober 2001 ingevoer om die opleiding
te verskaf.
Om 'n laaaang storie kort te maak - die fabriek het van Februarie tot Mei
hierdie jaar glo 'n proeflopie gehad, en is toe gesluit. Sedert Mei is
hierdie mense nie vergoed nie, maar daar is aan hulle behuising en kos
verskaf.
Sedert 30 September is daar nie meer kos aan hulle verskaf nie, en die
ooblywende 69 ( 34 het al in Augustus die pad gevat) word nou gedeporteer.
Die FDC het 15 miljoen in hierdie projek gepomp om die fabriek te vestig.
Die IDC het 4.5 miljoen gestort en Harmony betaal vir die huur van die
geboue.
G5 sou glo vir die betaling van arbeid en werkskapitaal bydra.
Harmony sou ook die goud ter waarde van 4.5 miljoen rand voorsien as deel
van die leningsfasiliteit vanaf BAe.
Die hikhoes begin toe omdat BAe sy leningsfasiliteit aan Harmony kanselleer.
G5 se kantore in London en SA kan nie gekontak word nie.
Keith Bates van BAe sê hy is gebonde aan geheime ooreenkomste en kan nie
kommentaar lewer nie.
Ferdi Dippenaar, bemarkingsdirekteur van Harmony beweer dat die dispuut met
BAe het geen uitwerking op Oro-Maska nie, en dink nie die operasie sal in sy
huidige vorm ooit van die grond af kom nie.
G5 se Indiese direkteure word verantwoordelik gehou omdat hulle nie hul deel
van die ooreenkoms nagekom het nie.
Muvhango Netshitangani, departementshoof van entrepeneursmynoperasies by
IDC, beweer dat die korporasie nie kliënt-inligting aan die publiek kan
vrystel nie.
( Ek kan net hier meld dat ek iemand bygestaan het om aansoek te doen vir 'n
bydrae van die IDC om 'n skool te vestig waar juweliers hier opgelei kan
word. In die aansoekvorm word dit duidelik gestel dat slegs SA burgers die
opleiding moet verskaf, en slegs SA burgers opgelei kan word.)
Annette
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
