| "Pretoria " deur KOOS DU PLESSIS [boodskap #61908] |
Sa, 11 Mei 2002 00:46 |
|
|
Oorspronklik gepos deur: @rogers.com
Pretoria
Koos du Plessis
Pretoria, jakarandastad,
dis weer Oktobermaand...
Miskien is dit die rede dat
ek só verlang vanaand,
want hoeveel jare het jy nie
my lief en leed gedeel --
en stil geluister wanneer ek
my ou kitaar bespeel.
Pretoria, jakarandastad,
waar ek so graag alleen
straat-op en -af geslenter het
in die lentereën;
waar meisies lank ná middernag
nog deur die vensters loer
en dromend luister na die lied
van elke troebadoer.
Pretoria, jakarandastad,
die tyd gaan gou verby
en daardie jare lê soos
ylblou berge agter my.
Maar steeds is ek die troebadoer
wat almal wil vertel
van jou, ou jakarandastad,
met sang en snarespel.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
