| Die Stellenbosse Dans [boodskap #52307] |
Do, 25 Oktober 2001 10:10 |
![Ferdi Greyling[0] is tans af-lyn](/theme/default/images/offline.png "Ferdi Greyling[0] is tans af-lyn")
Ferdi Greyling[0]
Boodskappe: 72
Geregistreer: Julie 2001
Karma: 0
|
Volle Lid |
|
|
Stellenbosse dans
Afrikaners is plesierig
(was nog altyd so)
dan maak hulle mos so:
Sit in die sitkamer
glimlag innig
"nog tee mevrou?
en u dominee...?"
"Mamma ek..."
"Ag gaan speel sussie..."
"Ek neem haar net gou uit mev. Kry nog tee!"
Dan gaan hul in die skemer kamer so:
"Ssssjt moet niks sê nie!"
Klap! klap! klap!
Die ritme van die dans in die donker.
Klap! klap! klap!
Die tromslae van dowwe skote in die donker
Mamma! Dis seer
Stil!!!!
Klap! klap! klap!
die deur agter mammie toe.
Sussie veilig in die kamer
(Dis tog goed vir haar ook.
Sy hou tog so van op die bed le...)
"Ag verskoon tog mevrou...nog tee?
"So 'n pragtige mens, die nuwe dominee, ne?
"Nee, vloekery nie in hierdie huis nie!!
"Mens moet net ferm wees!
"Wat is dit dan met sussie?
"Waarom wil sy nie stilbly nie?
"Ek gaan praat gou net weer met haar!
"Moeilike ouderdom, ne!"
Klap! klap! klap!
Die ritme van die musiek
wat sussie in haar kussing laat huil.
Geen ongeskikte krete van HAAR nie.
"Ag alles is nou reg, dominee... nog tee?
"Sy hou haar maar net snaaks.
"Hulle moet tog vroeg al leer
om nie in geselskap hard te praat
te vloek of omstrede te raak!
"Sy's nou stil.
"Sy sal uiteindelik leer om gelukkig te wees.
"Geluk le tog daarin dat mens
binne perke van goeie maniere leef, ne^ dominee?
"God hou tog nie van vloek nie!"
"Nee, reg suster.
"Dit is so...gee nog tee asseblief
"Net voor ek gaan, God seen...ne?
"So 'n beskaafde huis wat u hou!
"Almal vriendelik en op hul plek!
"Geen vloekery hier!
"En politiek hoort tog in die parlement!
"Nee ek glo dit ook nie oor broer Eugene nie!
"Hy trek so goed aan elke dag
en praat so mooi met sy vrou en kind!"
Klap! klap! klap!
eggo die dans van stilte
en van shutup en praat mooi
moenie dat die bure hoor!
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
