| Re: Afrikaans as wêreldtaal [boodskap #49974] |
Di, 11 September 2001 17:17 |
*Sterrenkijker*
Boodskappe: 67
Geregistreer: Julie 2001
Karma: 0
|
Volle Lid |
|
|
Hallo, Danielle,
Ofskoon slegs 'n goeie 5 miljoen mense die Afrikaans praat vind ek nie
dat die Afrikaans 'n klein taal is..
Ons moenie vergeet dat die Afrikaans 'n afgeleide taal is van die
Nederlands. Nederlands is eintlik al 'n baie oue taal en dis tewens 'n
taal met 'n baie omvangryke woordeskat. Nederlands is daarin selfs
beter as Engels: Nederlands ken byna vir alle begrippe wat eintlik
van die Latyn en Grieks afkomstig is 'n eie sinoniem. Dit bestaan nie
so in Engels nie. Daarby kom nog dat die sinonieme deur die bank
korter kan geskryf word. Ek vind Nederlands nog steeds natuurliker
as Engels of Frans.
Daarby is Afrikaans eenvoudiger as Nederlands. Afrikaans is 'n moderne
taal wat aantoon hoe ver ons kan gaan om 'n taal teenwoordig nog te
vereenvoudig. Ook is Afrikaans welluidend. Teenoor Afrikaans is
Engels die taal van 'n draak (met slegte tande).
Ek vind Afrikaners onderskat hulle taal te veel. Die kwaliteit van die
Afrikaans is enorm goed. 'N wetenkaplike verhandeling, in Nederlands
of in Afrikaans geskryf, is duidelik en bondig. Moet seker julle siel
nie aan die Engelsman verkoop nie. Moet promosie maak vir julle taal!
Dit kan lang duur maar as julle daarvoor veg sal die wêreld daarvoor
respek kry!
Die groete van
Norbert (uit Vlaanderen)
Danielle schreef:
> On Mon, 10 Sep 2001 17:48:32 GMT, gd3...@glo.be (*Sterrenkijker*)
> wrote:
>
>> Wel, ek glo nie dat die mense van hierdie nuusgroep hulle sou
>> uitgevloek hê. So ken ek die Afrikaners nie. Maar die Afrikaans
>> is teenwoordig tog 'n universele omgangstaal wat aan die mense
>> 'n beskaafde eksponent meegee, niewaar nie?. Daarom is ek baie
>> verwonder daar is nog steeds mense wat geen Afrikaans praat nie!
>
> Sies, jy's naar, :-)
> 'n Ware storie wat jare gelede gebeur het, en wat ek nooit sal vergeet
> nie. :-)
> Ek was deeltyds betrokke by een van die swart skole in een van die
> "townships". Moet net duidelik maak, dat ek nie 'n onderwyseres is
> nie, maar my betrokkenheid het te make gehad met rekenaars wat ons aan
> hierdie skole geskenk het, en my taak was om die outjies te wys hoe om
> briewe te skryf op die Internet en maatjies (? penpals) te maak met
> kinders van hulle ouderdom by skole hier in Amerika veral.
> Die kinders (meestal Xhosa sprekend) was geforseer om in Afrikaans
> skool te gaan. Dus was hulle Afrikaans en Xhosa baie goed, maar dit
> was moeilik vir hulle om in Engels te kommunikeer. En natuurlik moes
> hierdie briewe in Engels geskryf word.
> Hulle het hulleself oor die algemeen baie goed van die taak gewkyt,
> behalwe vir hierdie EEN seuntjie. Toe ek hom vra waarom hy in
> Afrikaans geskryf het, kyk hy my met sulke groot ogies aan vanuit 'n
> hoogte, asof ek sekerlik die domste mens was wat hy OOIT in sy
> lewetjie raakgeloop het. Sy antwoord was: "Want ALMAL verstaan
> Afrikaans."
> Nou ja...:-)
>
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
