| "Koper, kapel" deur CHARL-PIERRE NAUDÉ [boodskap #49353] |
Mon, 03 September 2001 14:22 |
|
|
Oorspronklik gepos deur: @home.com
Koper, kapel
Charl-Pierre Naudé
Ons het my pa op 'n herfsdag begrawe:
die morele lig geblus, vir altyd die sakdoek
van sy hande opgevou. In die kas se hoek:
sy skoene met die houtvoete wat nooit skawe nie,
die skoensole ou munte uit 'n sirkulasie
deur die grond geslyt. Ek onthou die herfs, die kapel,
'n skip op die see, die rawe. Mense wat bel.
Wit hartseer het my met 'n snyer se grasie
uitgedos soos 'n kaptein, die vroue se koppe
het gedraai. Die skaduwee van 'n vliegtuig
het oor die kapel geswiep, teen die mure gebuig
en geflits binne, die vuur in die kisknoppe
gedoof 'n oomblik lank. A! Chopin, en die skel
herfs, komplimente van die SAL.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
