Supertaal

Vandag se boodskappe (Af) | Onbeantwoorde boodskappe (Aan)

Forum: Woordeboek

Onderwerp: fluit-fluit

fluit-fluit [boodskap #145767]

Wo, 03 Julie 2024 06:39

Leksikograaf
Boodskappe: 19497
Geregistreer: Maart 2019

Karma: 1

Senior Lid

fluit-fluit
Afbreking: fluit-fluit

Bywoord: fluit-fluit

Betekenis:
• Wat besig is om te fluit, dikwels omdat jy gelukkig is.
• (figuurlik) Wat iets sommer maklik en vinnig regkry.

Gebruik:
• Die seun loop fluit-fluit deur die skool se gange.
• Sy het die werk fluit-fluit klaargemaak. Ons het die opponente fluit-fluit gewen.

Vertaling:
Engels: while whistling; easily, quickly
Nederlands: terwijl fluiten; gemakkelijk, snel

Tussenwerpsel: fluit-fluit

Betekenis:
• Uitroep as iets afgehandel is.

Gebruik:
• Fluit-fluit, my storie is uit!

Vertaling:
Engels: all done!
Nederlands: helemaal klaar!

Laat weet asb as die inskrywing foute bevat of verder verbeter kan word.

[Bygewerk op: Wo, 03 Julie 2024 06:56]

Rapporteer boodskap aan 'n moderator

Onderwerp: hoofsweep

hoofsweep [boodskap #145766]

Di, 02 Julie 2024 19:33

Leksikograaf
Boodskappe: 19497
Geregistreer: Maart 2019

Karma: 1

Senior Lid

hoofsweep
Afbreking: hoof•sweep
Samestelling: hoof + sweep

Selfstandige naamwoord: hoofsweep
Meervoud: hoofswepe

Betekenis:
• 'n Parlementslid wat sorg dat sy party se lede tot orde geroep word en by stemmings teenwoordig is.

Gebruik:
• Dr. Corné Mulder, LP en hoofsweep van die VF Plus het die Afrikaner Verklaring onderteken.

Vertaling:
Engels: chief whip, main whip
Nederlands: hoofdzweep

Laat weet asb as die inskrywing foute bevat of verder verbeter kan word.

[Bygewerk op: Wo, 03 Julie 2024 06:17]

Rapporteer boodskap aan 'n moderator

Onderwerp: versteur

versteur [boodskap #145765]

Di, 02 Julie 2024 18:58

Leksikograaf
Boodskappe: 19497
Geregistreer: Maart 2019

Karma: 1

Senior Lid

versteur
Afbreking: ver•steur
Samestelling: ver- + steur

Werkwoord: versteur
Verlede tyd: het versteur

Betekenis:
• Om iemand te onderbreek of te hinder.
• Om iets om te krap of deurmekaar te maak.

Gebruik:
• Die rasende kinders versteur my middagslapie.
• Laat hom met rus; niemand moet sy beendere versteur nie. [2 Konings 23:18]

Wisselvorm:
• verstoor

Sinoniem:
• belastig
• bederf
• belemmer
• hinder
• omkrap
• onderbreek
• ontstel
• ontwrig
• pla
• steur
• verstoor

Afgelei:
• versteurder
• versteuring

Vertaling:
Engels: to disturb, disrupt, upset, unsettle
Nederlands: verstoren

Byvoeglike naamwoord: versteur, versteurd
Attributief: versteurde

Betekenis:
• Wat abnormaal of omgekrap is.
• Wat aan 'n geestelike aandoening ly.

Gebruik:
• Hy gooi 'n klip in die dam en staar na die versteurde watervlak.
• Dokters het die geestelik versteurde pasiënte verdoof om hom teen homself te beskerm.

Antoniem:
• onversteur

Afgelei:
• versteurdheid

Vertaling:
Engels: disturbed
Nederlands: verstoord

Laat weet asb as die inskrywing foute bevat of verder verbeter kan word.

[Bygewerk op: Wo, 03 Julie 2024 06:18]

Rapporteer boodskap aan 'n moderator

Onderwerp: uitstaller

uitstaller [boodskap #145764]

Di, 02 Julie 2024 13:04

Leksikograaf
Boodskappe: 19497
Geregistreer: Maart 2019

Karma: 1

Senior Lid

uitstaller
Afbreking: uit•stal•ler
Samestelling: uitstal + -er

Selfstandige naamwoord: uitstaller
Meervoud: uitstallers
Verkleinwoord: uitstallertjie
Meervoud van verkleining: uitstallertjies

Betekenis:
• Iemand wat iets uitstal.

Gebruik:
• Die tentoonstelling het meer as 'n honderd uitstallers gelok.

Sinoniem:
• etaleur
• tentoonsteller
• vertoner

Afgelei:
• vensteruitstaller

Vertaling:
Engels: exhibitor
Nederlands: exposant

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: uitstal

uitstal [boodskap #145763]

Di, 02 Julie 2024 12:31

Leksikograaf
Boodskappe: 19497
Geregistreer: Maart 2019

Karma: 1

Senior Lid

uitstal
Afbreking: uit•stal
Samestelling: uit + stal

Werkwoord: stal uit, uitstal
Verlede tyd: het uitgestal

Betekenis:
• Om iets sigbaar vir ander ten toon te stel, dikwels om dit te verkoop.

Gebruik:
• Die kunstenaar stal sy skilderye uit.
• Die modereeks is in die winkel se 'n vertoonlokaal uitgestal.

Sinoniem:
• adverteer
• blootstel
• etaleer
• pronk
• pryk
• spog
• tentoonstel
• vertoon
• voorhou
• wys

Afgelei:
• uitstalbak
• uitstalkamer
• uitstalkas
• uitstalkuns
• uitstalruimte
• uitstalvenster

Verwant:
• uitstaller
• uitstalling

Vertaling:
Engels: to display, show off, parade, expose for sale
Nederlands: uitstallen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: hofdokument

hofdokument [boodskap #145762]

Di, 02 Julie 2024 09:35

Leksikograaf
Boodskappe: 19497
Geregistreer: Maart 2019

Karma: 1

Senior Lid

hofdokument
Afbreking: hof•do•ku•ment
Samestelling: hof + dokument

Selfstandige naamwoord: hofdokument
Meervoud: hofdokumente
Verkleinwoord: hofdokumentjie
Meervoud van verkleining: hofdokumentjies

Betekenis:
• 'n Dokument wat deur 'n hof uitgereik is, of 'n beëdigde dokument wat by 'n hof ingedien is.

Gebruik:
• Hofdokumente toon dat daar ook verskeie ander klagte teen die beskuldigde gebring is.

Vertaling:
Engels: court document
Nederlands: rechtbankdocument

Laat weet asb as die inskrywing foute bevat of verder verbeter kan word.

[Bygewerk op: Wo, 03 Julie 2024 06:13]

Rapporteer boodskap aan 'n moderator

Onderwerp: ondeurgrondelik

ondeurgrondelik [boodskap #145761]

Ma, 01 Julie 2024 18:06

Leksikograaf
Boodskappe: 19497
Geregistreer: Maart 2019

Karma: 1

Senior Lid

ondeurgrondelik
Afbreking: on•deur•gron•de•lik
Samestelling: on- + deurgrond -elik

Byvoeglike naamwoord: ondeurgrondelik
Attributief: ondeurgrondelike
Partitief: ondeurgrondeliks

Betekenis:
• Wat nie deurgrond (diep ondersoek en verstaan) kan word nie.

Gebruik:
• God se weë is vir ons ondeurgrondelik.

Sinoniem:
• duister
• geheim
• onbegryplik
• ondeursigtig
• onnaspeurlik
• onpeilbaar
• onverklaarbaar
• onverstaanbaar
• raaiselagtig

Antoniem:
• deurgrondelik

Afgelei:
• ondeurgrondelikheid

Vertaling:
Engels: incomprehensible, unfathomable, inscrutable, impenetrable
Nederlands: ondoorgrondelijk

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: haaiaanval

haaiaanval [boodskap #145760]

Ma, 01 Julie 2024 17:02

Leksikograaf
Boodskappe: 19497
Geregistreer: Maart 2019

Karma: 1

Senior Lid

haaiaanval
Afbreking: haai•aan•val
Samestelling: haai + aanval

Selfstandige naamwoord: haaiaanval
Meervoud: haaiaanvalle

Betekenis:
• 'n Aanval deur een of meer haaie in die see.

Gebruik:
• Haaiaanvalle kom gereeld in die gebied voor.

Vertaling:
Engels: shark attack
Nederlands: haaienaanval

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: probleemoplossing

probleemoplossing [boodskap #145759]

Ma, 01 Julie 2024 16:05

Leksikograaf
Boodskappe: 19497
Geregistreer: Maart 2019

Karma: 1

Senior Lid

probleemoplossing
Afbreking: pro•bleem•op•los•sing
Samestelling: probleem + oplossing

Selfstandige naamwoord: probleemoplossing
Meervoud: probleemoplossings

Betekenis:
• 'n Sistematiese proses wat poog om oplossings vir probleme te vind.

Gebruik:
• 90% van my dag bestaan uit probleemoplossing.

Afgelei:
• probleemoplossingsbenadering
• probleemoplossingsgeleentheid
• probleemoplossingsmetode
• probleemoplossingsproses
• probleemoplossingstegniek

Vertaling:
Engels: problem solving
Nederlands: probleemoplossing

Laat weet asb as die inskrywing foute bevat of verder verbeter kan word.

[Bygewerk op: Di, 02 Julie 2024 17:58]

Rapporteer boodskap aan 'n moderator

Onderwerp: motorafdak

motorafdak [boodskap #145758]

Ma, 01 Julie 2024 09:50

Leksikograaf
Boodskappe: 19497
Geregistreer: Maart 2019

Karma: 1

Senior Lid

'n Huis met 'n motorafdak.

motorafdak
Afbreking: mo•tor•af•dak
Samestelling: motor + afdak

Selfstandige naamwoord: motorafdak
Meervoud: motorafdakke
Verkleinwoord: motorafdakkie
Meervoud van verkleining: motorafdakkies

Betekenis:
• 'n Afdak waaronder 'n motor geparkeer word.

Gebruik:
• 'n Motorafdak bied minder beskerming as 'n motorhuis, maar is darem beter as niks!

Verwant:
• motorhuis

Vertaling:
Engels: carport
Nederlands: carport

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: uiteenloop

uiteenloop [boodskap #145757]

Ma, 01 Julie 2024 09:40

Leksikograaf
Boodskappe: 19497
Geregistreer: Maart 2019

Karma: 1

Senior Lid

uiteenloop
Afbreking: uit•een•loop
Samestelling: uiteen + loop

Werkwoord: loop uiteen, uiteenloop
Verlede tyd: het uiteengeloop

Betekenis:
• Om in verskillende rigtings te loop; verder van mekaar beweeg.
• Om van mekaar te verskil.

Gebruik:
• Ons paaie het mettertyd uiteengeloop en ek het lanklaas van haar gehoor.
• Menings oor die redes vir die oorlog loop aansienlik uiteen.

Sinoniem:
• afwyk
• divergeer
• opbreek
• uiteengaan
• uiteenvloei
• uiteenwyk
• uitsprei
• uitwyk
• verdeel
• verskil
• versprei
• verstrooi

Antoniem:
• ineenloop

Afgelei:
• uiteenlopend
• uiteenloping

Vertaling:
Engels: to diverge, part; to differ
Nederlands: uiteenlopen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: beginner

beginner [boodskap #145756]

Ma, 01 Julie 2024 08:57

Leksikograaf
Boodskappe: 19497
Geregistreer: Maart 2019

Karma: 1

Senior Lid

beginner
Afbreking: be•gin•ner
Samestelling: begin + -er

Selfstandige naamwoord: beginner
Meervoud: beginners
Verkleinwoord: beginnertjie
Meervoud van verkleining: beginnertjies

Betekenis:
• Iemand wat onlangs met iets begin het en nog nie ervare is nie.
• Iemand wat iets nuuts begin.

Gebruik:
• Hy speel nogal goeie tennis vir 'n beginner.
• Ek is nie die beginner van hierdie onderwerp op die forum nie, net 'n deelnemer.

Sinoniem:
• amateur
• beginneling
• debutant
• groentjie
• haas
• leek
• leerling
• nuweling
• onervarene
• rekruut
• rofie
• aanvanger
• grondlegger

Afgelei:
• beginnerskursus
• beginnersles

Vertaling:
Engels: beginner, newcomer, novice, freshman; initiator
Nederlands: beginner

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gholfstok

gholfstok [boodskap #145755]

Ma, 01 Julie 2024 08:40

Leksikograaf
Boodskappe: 19497
Geregistreer: Maart 2019

Karma: 1

Senior Lid

'n Gholfsak met gholfstokke.

gholfstok
Afbreking: gholf•stok
Samestelling: gholf + stok

Selfstandige naamwoord: gholfstok
Meervoud: gholfstokke
Verkleinwoord: gholfstokkie
Meervoud van verkleining: gholfstokkies

Betekenis:
• Stok waarmee die bal in golf geslaan word.

Gebruik:
• Ons moedig alle gholfspelers aan om hulle gholfstokke solank vir ons eerskomende gholfdag af te stof.

Vertaling:
Engels: golf club
Nederlands: golfstok

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gholfdag

gholfdag [boodskap #145754]

Ma, 01 Julie 2024 08:31

Leksikograaf
Boodskappe: 19497
Geregistreer: Maart 2019

Karma: 1

Senior Lid

gholfdag
Afbreking: gholf•dag
Samestelling: gholf + dag

Selfstandige naamwoord: gholfdag
Meervoud: gholfdae
Verkleinwoord: gholfdaggie
Meervoud van verkleining: gholfdaggies

Betekenis:
• 'n Dag waarop gholf gespeel word.

Gebruik:
• Kom geniet die gholfdag saam met ons en help ons terselfdertyd om geld vir 'n goeie doel in te samel.

Vertaling:
Engels: golf day
Nederlands: golfdag

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: staatmaak

staatmaak [boodskap #145753]

Ma, 01 Julie 2024 08:22

Leksikograaf
Boodskappe: 19497
Geregistreer: Maart 2019

Karma: 1

Senior Lid

staatmaak
Afbreking: staat•maak
Samestelling: staat + maak

Werkwoord: maak staat, staatmaak
Verlede tyd: het staatmaak

Betekenis:
• Om op iets te vertrou.

Gebruik:
• Kan ons op jou ondersteuning staatmaak?

Sinoniem:
• afhang
• reken
• peiltrek
• steun
• stut
• toeverlaat
• vertrou

Verwant:
• staatmaker

Vertaling:
Engels: to rely on
Nederlands: vertrouwen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gelukbringer

gelukbringer [boodskap #145752]

Ma, 01 Julie 2024 08:03

Leksikograaf
Boodskappe: 19497
Geregistreer: Maart 2019

Karma: 1

Senior Lid

gelukbringer
Afbreking: ge•luk•brin•ger
Samestelling: geluk + bringer

Selfstandige naamwoord: gelukbringer
Meervoud: gelukbringers
Verkleinwoord: gelukbringertjie
Meervoud van verkleining: gelukbringertjies

Betekenis:
• Iets wat aan 'n mens geluk en voorspoed bring (gevaar en teenspoed weghou).

Gebruik:
• Die Springbokke se gelukbringer is 'n springbok met die naam "Bokkie".

Sinoniem:
• amulet
• maskot
• talisman

Vertaling:
Engels: good luck charm; mascot
Nederlands: geluksbrenger

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: registrasienommer

registrasienommer [boodskap #145751]

So, 30 Junie 2024 18:38

Leksikograaf
Boodskappe: 19497
Geregistreer: Maart 2019

Karma: 1

Senior Lid

registrasienommer
Afbreking: re•gi•stra•sie•nom•mer
Samestelling: registrasie + nommer

Selfstandige naamwoord: registrasienommer
Meervoud: registrasienommers
Verkleinwoord: registrasienommertjie
Meervoud van verkleining: registrasienommertjies

Betekenis:
• 'n Nommer wat aan iets toegeken en vir latere verwysing op register geplaas is.

Gebruik:
• Die gesteelde motor se registrasienommer is HKG 866 GP.

Vertaling:
Engels: registration number
Nederlands: registratienummer

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: kragnetwerk

kragnetwerk [boodskap #145750]

So, 30 Junie 2024 18:08

Leksikograaf
Boodskappe: 19497
Geregistreer: Maart 2019

Karma: 1

Senior Lid

kragnetwerk
Afbreking: krag•net•werk
Samestelling: krag + netwerk

Selfstandige naamwoord: kragnetwerk
Meervoud: kragnetwerke
Verkleinwoord: kragnetwerkie
Meervoud van verkleining: kragnetwerkies

Betekenis:
• 'n Netwerk waaroor krag/elektrisiteit na verbruikers versprei word.

Gebruik:
• Indien die kragnetwerk in duie stort kan die land vir weke in duisternis gehul wees.

Sinoniem:
• elektrisiteitsnetwerk

Vertaling:
Engels: kragnetwerk
Nederlands: kragnetwerk

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: kanton

kanton [boodskap #145749]

So, 30 Junie 2024 18:03

Leksikograaf
Boodskappe: 19497
Geregistreer: Maart 2019

Karma: 1

Senior Lid

kanton
Afbreking: kan•ton

Selfstandige naamwoord: kanton
Meervoud: kantons

Betekenis:
• 'n Administratiewe gebied in sommige lande.

Gebruik:
• Saint-Louis is 'n dorp en munisipaliteit in die Franse kanton Huningue.
• Switserland is in 26 kantons verdeel.

Sinoniem:
• distrik
• divisie
• kwartier

Afgelei:
• kantonnaal
• kantonstelsel

Vertaling:
Engels: canton
Nederlands: kanton

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gereeldheid

gereeldheid [boodskap #145748]

So, 30 Junie 2024 17:55

Leksikograaf
Boodskappe: 19497
Geregistreer: Maart 2019

Karma: 1

Senior Lid

gereeldheid
Afbreking: ge•reeld•heid
Samestelling: gereeld + -heid

Selfstandige naamwoord: gereeldheid
Meervoud: gereeldhede

Betekenis:
• Die toestand of mate van gereed wees.

Gebruik:
• Die gereeldheid waarteen hierdie aanvalle plaasvind is besig om toe te neem.

Sinoniem:
• frekwensie
• reëlmaat

Antoniem:
• ongereeldheid

Vertaling:
Engels: regularity, frequency
Nederlands: regelmatigheid

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: snoekerstok

snoekerstok [boodskap #145747]

So, 30 Junie 2024 17:46

Leksikograaf
Boodskappe: 19497
Geregistreer: Maart 2019

Karma: 1

Senior Lid

'n Snoekerstok.

snoekerstok
Afbreking: snoe•ker•stok
Samestelling: snoeker + stok

Selfstandige naamwoord: snoekerstok
Meervoud: snoekerstokke
Verkleinwoord: snoekerstokkie
Meervoud van verkleining: snoekerstokkies

Betekenis:
• Lang stok waarmee snoeker gespeel word.

Gebruik:
• Die snoekerspeler klits die snoekerbal met sy snoekerstok in die gaatjie in.

Vertaling:
Engels: snooker stick, cue stick
Nederlands: snookerstok

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: sokkertoernooi

sokkertoernooi [boodskap #145746]

So, 30 Junie 2024 17:30

Leksikograaf
Boodskappe: 19497
Geregistreer: Maart 2019

Karma: 1

Senior Lid

sokkertoernooi
Afbreking: sok•ker•toer•nooi
Samestelling: sokker + toernooi

Selfstandige naamwoord: sokkertoernooi
Meervoud: sokkertoernooie
Verkleinwoord: sokkertoernooitjie
Meervoud van verkleining: sokkertoernooitjies

Betekenis:
• Reeks sokkerwedstryde waarin sokkerspanne teen mekaar meeding om die beste span te bepaal.

Gebruik:
• Banyana-Banyana het vir die eerste keer in 2012 vir die Olimpiese sokkertoernooi gekwalifiseer.

Vertaling:
Engels: soccer tournament, football tournament
Nederlands: voetbaltoernooi

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gedenk

gedenk [boodskap #145745]

So, 30 Junie 2024 14:01

Leksikograaf
Boodskappe: 19497
Geregistreer: Maart 2019

Karma: 1

Senior Lid

gedenk
Afbreking: ge•denk
Samestelling: ge- + denk (dink)

Werkwoord: gedenk
Verlede tyd: het gedenk

Betekenis:
• Om 'n belangrike gebeurtenis te onthou; in herinnering te roep.

Gebruik:
• Geloftedag word jaarliks op 16 Desember gedenk.

Spreekwoord:
• Aansien doen gedenk. [Wanneer jy iets of iemand sien, herinner dit jou aan iets anders.]

Sinoniem:
• eer
• eerbiedig
• herdenk
• herinner
• onthou
• terugdink
• vier

Afgelei:
• gedenkalbum
• gedenkboek
• gedenkboog
• gedenkbrosjure
• gedenkdag
• gedenkdiens
• gedenkfees
• gedenkfonds
• gedenkjaar
• gedenknaald
• gedenkplaat
• gedenkpark
• gedenkpenning
• gedenkrol
• gedenksaal
• gedenkseël
• gedenkskool
• gedenkskrif
• gedenkspreuk
• gedenksteen
• gedenkstuk
• gedenksuil
• gedenkteken
• gedenktuin
• gedenkuitgawe
• gedenkwaardig

Vertaling:
Engels: to recall, recollect, remember, commemorate
Nederlands: gedenken

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: gedenkwaardig

gedenkwaardig [boodskap #145744]

So, 30 Junie 2024 13:50

Leksikograaf
Boodskappe: 19497
Geregistreer: Maart 2019

Karma: 1

Senior Lid

gedenkwaardig
Afbreking: ge•denk•waar•dig
Samestelling: gedenk + waardig

Byvoeglike naamwoord: gedenkwaardig
Vergrotende trap: gedenkwaardiger
Oortreffende trap: gedenkwaardigste
Attributief: gedenkwaardige
Partitief: gedenkwaardigs

Betekenis:
• Wat die moete werd is om te gedenk (te onthou).

Gebruik:
• Die eerste maanlanding was 'n gedenkwaardige dag.

Sinoniem:
• epogmakend
• heuglik
• merkwaardig
• onvergeetlik

Antoniem:
• ongedenkwaardig

Afgelei:
• gedenkwaardigheid

Vertaling:
Engels: memorable, worthy of remembering
Nederlands: gedenkwaardig

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: berghang

berghang [boodskap #145743]

So, 30 Junie 2024 13:41

Leksikograaf
Boodskappe: 19497
Geregistreer: Maart 2019

Karma: 1

Senior Lid

berghang
Afbreking: berg•hang
Samestelling: berg + hang

Selfstandige naamwoord: berghang
Meervoud: berghange

Betekenis:
• Die oplopende sy van 'n berg.

Gebruik:
• Die chalets is teen 'n berghang gebou wat oor die see uitkyk.

Sinoniem:
• bergflank
• berghelling

Vertaling:
Engels: mountain slope, hillside
Nederlands: berghelling

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: onskatbaar

onskatbaar [boodskap #145742]

So, 30 Junie 2024 10:54

Leksikograaf
Boodskappe: 19497
Geregistreer: Maart 2019

Karma: 1

Senior Lid

onskatbaar
Afbreking: on•skat•baar
Samestelling: on- + skatbaar

Byvoeglike naamwoord: onskatbaar
Vergrotende trap: onskatbare
Oortreffende trap: onskatbaarste
Attributief: onskatbare
Partitief: onskatbaars

Betekenis:
• Baie waardevol. Waarvan die waarde so hoog is dat skatte nie daarvoor kan betaal nie.

Gebruik:
• 'n Goeie teelbul se waarde is onskatbaar.
• Die onskatbare waarde van vriendskap kan nie in geld uitgedruk word nie.

Sinoniem:
• kosbaar
• onbetaalbaar
• onmeetbaat
• ontelbaar
• onvervangbaar
• onwaardeerbaar
• peperduur
• waardevol

Afgelei:
• onskatbaarheid

Vertaling:
Engels: priceless, invaluable, inestimable
Nederlands: onschatbaar

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: noteer

noteer [boodskap #145741]

Sa, 29 Junie 2024 19:20

Leksikograaf
Boodskappe: 19497
Geregistreer: Maart 2019

Karma: 1

Senior Lid

noteer
Afbreking: no•teer

Werkwoord: noteer
Verlede tyd: het genoteer

Betekenis:
• Om 'n nota/ aantekening te maak.
• Om 'n prys op 'n aandelebeurs te registreer.

Gebruik:
• Sy noteer die datum in haar dagboek.
• Die aandeel is op die Johannesburgse Effektebeurs genoteer.

Sinoniem:
• aanteken
• boekstaaf
• byhou
• opskryf
• opteken
• lys
• prys
• registreer

Afgelei:
• annoteer

Vertaling:
Engels: noteer
Nederlands: noteren

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: hooftema

hooftema [boodskap #145740]

Sa, 29 Junie 2024 19:08

Leksikograaf
Boodskappe: 19497
Geregistreer: Maart 2019

Karma: 1

Senior Lid

hooftema
Afbreking: hoof•te•ma
Samestelling: hoof + tema

Selfstandige naamwoord: hooftema
Meervoud: hooftemas

Betekenis:
• Die belangrikste tema/ onderwerp.

Gebruik:
• Die hooftema van die boek is die kwesbaarheid van die mensdom en die enorme skade wat tegnologie in die verkeerde hande kan veroorsaak.

Sinoniem:
• hoofonderwerp

Antoniem:
• subtema

Vertaling:
Engels: main theme, main subject
Nederlands: hoofdthema

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: triomfeer

triomfeer [boodskap #145739]

Sa, 29 Junie 2024 18:36

Leksikograaf
Boodskappe: 19497
Geregistreer: Maart 2019

Karma: 1

Senior Lid

triomfeer
Afbreking: tri•om•feer
Samestelling: triomf + -eer

Werkwoord: triomfeer
Verlede tyd: het getriomfeer

Betekenis:
• Om 'n oorwinning (triomf) te behaal.

Gebruik:
• U het my uit elke benoudheid gered en my oor my vyande laat triomfeer. [Psalms 54:9]

Sinoniem:
• baasraak
• oorkom
• oorweldig
• oorwin
• seëvier
• uitklop
• verslaan
• verower
• wen

Afgelei:
• triomferend
• triomfeerder

Vertaling:
Engels: to triumph
Nederlands: triomferen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: brandstapel

brandstapel [boodskap #145738]

Sa, 29 Junie 2024 18:23

Leksikograaf
Boodskappe: 19497
Geregistreer: Maart 2019

Karma: 1

Senior Lid

Uitbeelding van Johanna van Arkel se terregstelling op 'n brandstapel.

brandstapel
Afbreking: brand•sta•pel
Samestelling: brand + stapel

Selfstandige naamwoord: brandstapel
Meervoud: brandstapels
Verkleinwoord: brandstapeltjie
Meervoud van verkleining: brandstapeltjies

Betekenis:
• 'n Hoop hout waarop iets verbrand word (o.a. lyke, misdadigers, ketters, hekse en andersdenkende mense).

Gebruik:
• Die 19-jarige Johanna van Arkel op 30 Mei 1431 op die brandstapel verbrand.

Sinoniem:
• houthoop

Vertaling:
Engels: pile, stake, woodpile
Nederlands: brandstapel

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: vasalskap

vasalskap [boodskap #145737]

Sa, 29 Junie 2024 18:02

Leksikograaf
Boodskappe: 19497
Geregistreer: Maart 2019

Karma: 1

Senior Lid

vasalskap
Afbreking: va•sal•skap
Samestelling: vasal + -skap

Selfstandige naamwoord: vasalskap
Meervoud: –

Betekenis:
• 'n Staat van afhanklikheid en onderdanigheid; die toestand van 'n vasal wees.

Gebruik:
• In die 7de eeu v.C. het die Koninkryk van Juda se bevolking toegeneem en het dit gedy onder die vasalskap van die Nieu-Assiriese Ryk.

Vertaling:
Engels: vassalage
Nederlands: vazalschap

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: skoei

skoei [boodskap #145736]

Sa, 29 Junie 2024 17:44

Leksikograaf
Boodskappe: 19497
Geregistreer: Maart 2019

Karma: 1

Senior Lid

skoei
Afbreking: skoei

Werkwoord: skoei
Verlede tyd: het geskoei

Betekenis:
• Om van skoene te voorsien; skoeisel aan die voete te sit.

Gebruik:
• Die kinders word vir kerk geklee en geskoei.

Spreekwoord:
• Iets op dieselfde lees skoei. [Iets op dieselfde ou manier doen.]

Afgelei:
• beskoei
• ongeskoei
• skoeisel
• verskoei

Vertaling:
Engels: to shoe
Nederlands: schoeien

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: ylbevolk

ylbevolk [boodskap #145735]

Sa, 29 Junie 2024 17:30

Leksikograaf
Boodskappe: 19497
Geregistreer: Maart 2019

Karma: 1

Senior Lid

ylbevolk
Afbreking: yl•be•volk
Samestelling: yl + bevolk

Byvoeglike naamwoord: ylbevolk
Attributief: ylbevolkte

Betekenis:
• Met 'n lae bevolkingsdigtheid; min individue in verhouding tot die oppervlakte.

Gebruik:
• Die bom sal in 'n ylbevolk gebied getoets word.

Sinoniem:
• dunbevolk

Vertaling:
Engels: sparsely populated
Nederlands: dunbevolkt

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: beleër

beleër [boodskap #145734]

Sa, 29 Junie 2024 17:25

Leksikograaf
Boodskappe: 19497
Geregistreer: Maart 2019

Karma: 1

Senior Lid

beleër
Afbreking: be•le•ër
Samestelling: be- + leër

Werkwoord: beleër
Verlede tyd: het beleër

Betekenis:
• Om met 'n leër (weermag) te beset of te omsingel.

Gebruik:
• In dié tyd het die leër van koning Nebukadnesar van Babel 'n aanval op Jerusalem begin en die stad beleër. [2 Konings 24:10]

Sinoniem:
• aanval
• beset
• omsingel
• storm

Afgelei:
• beleërde
• beleëraar
• beleëring

Vertaling:
Engels: to besiege
Nederlands: belegeren

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: onderdrukking

onderdrukking [boodskap #145733]

Sa, 29 Junie 2024 13:14

Leksikograaf
Boodskappe: 19497
Geregistreer: Maart 2019

Karma: 1

Senior Lid

onderdrukking
Afbreking: on•der•druk•king
Samestelling: onderdruk + -ing

Selfstandige naamwoord: onderdrukking
Meervoud: onderdrukkings

Betekenis:
• Die handeling of resultaat van onderdruk (om iets of iemand op onregverdige wyse in 'n laer of minder magtige posisie te hou).

Gebruik:
• Hy sal hulle van onderdrukking en geweld bevry; hulle lewens sal kosbaar wees in sy oë. [Psalms 72:14]

Sinoniem:
• oorheersing
• onderdrukking
• onderwerping
• ontmoediging
• oorweldiging
• remming
• repressie
• terughouding
• verowering

Vertaling:
Engels: oppression
Nederlands: onderdrukking

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: moeilikheidmaker

moeilikheidmaker [boodskap #145732]

Sa, 29 Junie 2024 13:06

Leksikograaf
Boodskappe: 19497
Geregistreer: Maart 2019

Karma: 1

Senior Lid

moeilikheidmaker
Afbreking: moei•lik•heid•ma•ker
Samestelling: moeilikheid + maker

Selfstandige naamwoord: moeilikheidmaker
Meervoud: moeilikheidmakers
Verkleinwoord: moeilikheidmakertjie
Meervoud van verkleining: moeilikheidmakertjies

Betekenis:
• Iemand wat moeilikheid maak; probleme veroorsaak.

Gebruik:
• Die juffrou het die moeilikheidmaker uit die klas gejaag.

Sinoniem:
• booswig
• molesmaker
• onrusstoker
• skurk

Vertaling:
Engels: troublemaker
Nederlands: onruststoker, herrieschopper

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: ban

ban [boodskap #145731]

Sa, 29 Junie 2024 12:51

Leksikograaf
Boodskappe: 19497
Geregistreer: Maart 2019

Karma: 1

Senior Lid

ban
Afbreking: ban

Werkwoord: ban
Verlede tyd: het geban

Betekenis:
• Om iets te belet; gebruik, toegang of deelname te verbied.

Gebruik:
• Die moeilikheidmaker is van die forum geban.

Sinoniem:
• uitsluit
• verdryf
• verbied
• wegjaag

Afgelei:
• uitban
• verban

Vertaling:
Engels: to forbid, banish, exile, expel
Nederlands: bannen

Selfstandige naamwoord: ban
Meervoud: banne

Betekenis:
• 'n Verbod wat op iets geplaas is.

Gebruik:
• Die ban is later gelig.

Sinoniem:
• embargo
• inperking
• prohibisie
• verbod

Hiponiem:
• kerkban

Afgelei:
• banbliksem
• bandiet
• banneling
• bandeloos
• banvloek
• banvonnis

Vertaling:
Engels: ban, banishment, excommunication
Nederlands: ban

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: verban

verban [boodskap #145730]

Sa, 29 Junie 2024 11:10

Leksikograaf
Boodskappe: 19497
Geregistreer: Maart 2019

Karma: 1

Senior Lid

verban
Afbreking: ver•ban
Samestelling: ver- + ban

Werkwoord: verban
Verlede tyd: het verban

Betekenis:
• Om uit te dryf en toegang of deelname te verbied.
• Om verdere gebruik te verbied.

Gebruik:
• Die Boere wat as krygsgevangenes geneem is, is na Sint Helena verban.
• Produkte wat die osoonlaag vernietig is verban.

Sinoniem:
• belet
• deporteer
• ekskommuniseer
• ekspatrieer
• repatrieer
• rojeer
• uitboender
• uitdryf
• uitja
• uitskop
• uitsmyt
• uitwerp
• verdring
• verdryf
• verjaag
• wegdryf
• wegjaag
• wegwys

Afgelei:
• verbanne
• verbanning

Vertaling:
Engels: to expel, banish, exile, drive out
Nederlands: verbannen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: uitmekaar

uitmekaar [boodskap #145729]

Vr, 28 Junie 2024 19:34

Leksikograaf
Boodskappe: 19497
Geregistreer: Maart 2019

Karma: 1

Senior Lid

uitmekaar
Afbreking: uit•me•kaar
Samestelling: uit + mekaar

Bywoord: uitmekaar

Betekenis:
• Waarvan die dele los van mekaar is; met 'n tussenruimte; aan stukke.

Gebruik:
• Die paartjie is uitmekaar.
• Die werktuigkundige haal die motor uitmekaar.

Sinoniem:
• afsonderlik
• apart
• uiteen
• vanmekaar

Antoniem:
• inmekaar

Afgelei:
• uitmekaargaan
• uitmekaarhaal
• uitmekaarhou
• uitmekaarjaag
• uitmekaarmaak
• uitmekaarpluk
• uitmekaarskeur
• uitmekaarspat
• uitmekaartrek
• uitmekaarval

Vertaling:
Engels: apart
Nederlands: uit elkaar

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Onderwerp: onbreekbaar

onbreekbaar [boodskap #145728]

Vr, 28 Junie 2024 17:50

Leksikograaf
Boodskappe: 19497
Geregistreer: Maart 2019

Karma: 1

Senior Lid

onbreekbaar
Afbreking: on•breek•baar
Samestelling: on- + breekbaar

Byvoeglike naamwoord: onbreekbaar
Attributief: onbreekbare

Betekenis:
• Wat nie gebreek kan word nie.

Gebruik:
• Die band tussen hulle was onbreekbaar.

Sinoniem:
• klipsteenhard
• onaantasbaar
• onskendbaar
• onverganklik
• onvernietigbaar
• ystersterk

Antoniem:
• breekbaar

Afgelei:
• onbreekbaarheid

Vertaling:
Engels: unbreakable, infrangible
Nederlands: onbreekbaar

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Bladsye (4): [1 2 3 4 › »]

Tyd nou: Wo Jul 03 10:34:04 MGT 2024