| "2.20 (Appelspel)" deur BREYTEN BREYTENBACH [boodskap #9064] |
Do., 10 April 1997 00:00 |
Izak Bouwer
Boodskappe: 463
Geregistreer: Januarie 1996
|
Senior Lid |
|
|
2.20 (APPELSPEL)
Breyten Breytenbach
wanneer dit reen moet daar eikebome wees
om diepte en donkerte aan die reen te gee
en so die dag volmaak te maak -- 'n dag
dan om in die bed te klim met 'n appel
en 'n meisie --
'n langhaarmeisie want die vag soos spinnekopbloei
moet teen die laken bly skitter --
en heeldag hou julle die vrug wandelende
en vry tussen julle
sonder om met die hande daaraan te raak
veral sonder om dit te laat val uit die boom --
op en af langs al die kontoere
nou sy aan sy dan dy op dy
naand gly-gly gestut op die elmboëe
met die reenvrug altyd tussen jou en my
(oppas vir die kraters!) --
so hou jy die ou gebeente disselklop
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
