Supertaal: Prosa & poësie » "Mohammed aan Ajesja" deur D.J. OPPERMAN

Tuis » Taal » Prosa & poësie » "Mohammed aan Ajesja" deur D.J. OPPERMAN

Wys: Vandag se boodskappe :: Stemmings :: Navigasie
E-pos 'n vriend

"Mohammed aan Ajesja" deur D.J. OPPERMAN [boodskap #8528]

Do., 13 Februarie 1997 00:00

Izak Bouwer
Boodskappe: 463
Geregistreer: Januarie 1996

Senior Lid

MOHAMMED AAN AJESJA
D.J Opperman

Jy vra ek moet na jou jong borste kyk
wat vol en vas en plooiloos soos 'n duif
se krop nog span en julle vergelyk.
Ja, ek proe snags die soetheid van die druif
in jou en al jou wysheid is 'n tent
tussen die wind en my; maar in die verre
jare toe ek eensaam was en onbekend
onder miljoene wat nou volg, en sterre
met die waarheid inflikker op my oë
maar ek nog skaam was vir my woord, het sy
eerste en jare lank alleen geglo
dat ek geroepe is... Tog, hoe kan jy,
nog nie gerimpel of geryp deur pyn,
ooit weet die soetste druif is half rosyn.

(gepos deur gloudina bouwer)

Rapporteer boodskap aan 'n moderator

Re: "Mohammed aan Ajesja" deur D.J. OPPERMAN [boodskap #8540 is 'n antwoord op boodskap #8528]

Vr., 14 Februarie 1997 00:00

lo...
Boodskappe: 124
Geregistreer: Desember 1996

Senior Lid

Hmmm was dit nie 'n soortgelyke storie wat Salman (?) Rushdie so diep in die
moelikheid geplaas het nie? Hoekom het ons nie sulke gedigte op skool gedoen
nie, dit sou 'n seun dalk meer vryheid in sy vertolking van gedigte gegee het
:)

Cheers
Lou

Rapporteer boodskap aan 'n moderator

Vorige onderwerp:	"G'n Gedig " van NEELS JACKSON
Volgende onderwerp:	"Hulde aan Claude" deur NEELS JACKSON

Gaan na forum:

-=] terug na bo [=-

[ XML-voer ] [

]

Tyd nou: Do. Sep. 17 19:14:15 UTC 2026