Supertaal: Prosa & poësie » "Karoo" deur FERDI GREYLING

Tuis » Taal » Prosa & poësie » "Karoo" deur FERDI GREYLING

Wys: Vandag se boodskappe :: Stemmings :: Navigasie
E-pos 'n vriend

"Karoo" deur FERDI GREYLING [boodskap #40810]

Vr., 06 April 2001 23:28

Anoniem

Oorspronklik gepos deur: @home.com

KAROO
Ferdi Greyling

Die lug vlam hoog en blou bokant die land
waar 'n dun rivier deur die vlakte sny.
Alle lewe raak klippe in die sand.

Op die groen walle is 'n dorp gebou.
Daar het ek in 'n rooidakhuis gebly.
Die lug vlam hoog en blou bokant die land.

Die dae was wyd, aande in swart gevou
en mense strome lewe rondom my.
Alle lewe raak klippe in die sand.

Maar alles is stof en niks word behou
- in 'n oomblik is die lewe verby.
Die lug vlam hoog en blou bokant die land.

Die eeue wat die vlaktes plooi en vou
is die tyd wat brand deur dié wat hier bly.
Alle lewe raak klippe in die sand.

Ons raak in grafte in die veld gevou,
net die dun rivier en die vlakte bly.
Die lug vlam hoog en blou bokant die land,
alle lewe raak klippe in die sand.

Rapporteer boodskap aan 'n moderator

Re: "Karoo" deur FERDI GREYLING [boodskap #40853 is 'n antwoord op boodskap #40810]

Ma., 09 April 2001 10:31

DARKANGEL
Boodskappe: 42
Geregistreer: Oktober 2000

Volle Lid

skryf in boodskap news:3ACE5207.EDA069B7@home.com...Ons raak in
grafte in die veld gevou,
net die dun rivier en die vlakte bly.
Die lug vlam hoog en blou bokant die land,
alle lewe raak klippe in die sand.

Rivier, jy praat seker hier van die Klein Karoo, hier by ons kry jy net
stroompies en hulle droog ook maar, en die vlaktes is ook besig om woestyn
te word a.g.v. oorbeweiding en droogte.

DA

Rapporteer boodskap aan 'n moderator

Re: "Karoo" deur FERDI GREYLING [boodskap #40866 is 'n antwoord op boodskap #40810]

Di., 10 April 2001 19:03

Kobus Pietersen
Boodskappe: 358
Geregistreer: April 1998

Senior Lid

Nee kyk, ons is genoop om sensuur toe te pas. Te erg is darem te erg.
Hier is die weergawe van hierdie ou storie wat gelees mag word.

KARRE
Fredie Grilling

Die klug lam hoog en lou bo die wand
waar 'n dun rivier deur die lak sny.
Alle lewe raak lippe in die aand.

Op die groef walle is 'n dop gebrou.
Daar het ek in 'n rooidakhuis gevry.
Die klug lam hoog en lou bo die wand

Die dal was wyd, and in swart gevou
en mense storm bewend rondom my.
Alle lewe raak lippe in die aand.

Maar alles is tof en niks word berou
- in 'n oomblik is die bewery ver.
Die klug lam hoog en lou bo die wand

Die ene wat die lakte plooi en vou
is die tuit wat brand deur dié wat hier ly.
Alle lewe raak lippe in die aand.

Ons braak in gragte in die vel gevou,
met die dun rivier en die vlakte gery.
Die klug lam hoog en lou bo die wand
Alle lewe raak lippe in die aand.

skryf in boodskap news:3ACE5207.EDA069B7@home.com...
KAROO
Ferdi

Rapporteer boodskap aan 'n moderator

Vorige onderwerp:	"Sprokie van die Spikkelkoei" deur D.J. OPPERMAN
Volgende onderwerp:	"villanelle vir die oos-vrystaat, clarens-distrik" deur TOM GOUWS

Gaan na forum:

-=] terug na bo [=-

[ XML-voer ] [

]

Tyd nou: Wo. Nov. 04 09:24:05 UTC 2026