| "Riemtelegram" deur LOUIS ESTERHUIZEN [boodskap #31826] |
Wo, 28 Junie 2000 00:00 |
|
|
Oorspronklik gepos deur: @home.com
RIEMTELEGRAM
Louis Esterhuizen
Wie is die afwesige
koning, hy wat sy blokkie vakant
laat : Weet hy wat hy doen? Sonder
hom is die spel absurd -
Sonder oogmerk
of doelwit
Sonder hom
is die speler gekruisig
teen die sperplank van tyd
en ruimte : 'n Ruitnet van horison
en vertikale lyne waarteen hy ons
willens en wetens
verguis.
Maar hy beter onthou :
Sonder ons is die spel futiel,
staan hy kaal. Dit is immers ons
skuiwe wat hom lewend hou -
Waarom dan die slap riem,
o Heer?
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
