Supertaal: Prosa & poësie » Die Koperkapel

Tuis » Taal » Prosa & poësie » Die Koperkapel

Wys: Vandag se boodskappe :: Stemmings :: Navigasie
E-pos 'n vriend

Die Koperkapel [boodskap #23127 is 'n antwoord op boodskap #23128]

Vr., 21 Mei 1999 00:00

Theo Holtzhausen
Boodskappe: 4
Geregistreer: Mei 1999

Junior Lid

Die digters tussen ons, kan julle nie vir my die bg. gedig deurstuur nie
asb? Dit is deur 'n bekende (wyle) digter n.a.v. een van die veldslae van die
Anglo Boere-oorlog. Meer weet ek ongelukkig nie.

Rapporteer boodskap aan 'n moderator

Re: Die Koperkapel [boodskap #23128 is 'n antwoord op boodskap #23127]

Vr., 21 Mei 1999 00:00

Hellin Gervaas
Boodskappe: 191
Geregistreer: Januarie 1998

Senior Lid

Die Koperkapel C. Louis Leipoldt

Die koperkapel kom uit sy gat
En sluip die rantjie rond :
"Dit het gereën ; die veld is nat
En nat is die rooi-geel grond."
Die meerkat kom en sy ogies blink,
En hy staan orent en wag.
En die stokou ystervark sê : "Ek dink
Die reën kom weer vannag."
Maar die geitjie piep : "Dis glad nie reën !
Dis klewerig, swart en rooi :
Kom jy sulke reën in jou lewe teen -
So glad, so styf, so mooi ?"
En die wyse steenuil waag sy woord :
"Dis bloed, dis mensebloed !
Dis lewensbloed wat hierdie oord
Se bossie-wortels voed."

Pragtige gedig - laat my dink aan "Le dormeur du val" van Arthur Rimbaud.

--
E- mail :gervaas...@ping.be
Homepage: http://www.ping.be/hilda-gervaas en
http://www.oocities.org/SoHo/Square/7005

Rapporteer boodskap aan 'n moderator

Re: Die Koperkapel [boodskap #125307 is 'n antwoord op boodskap #23127]

Sa., 13 April 2019 16:41

Jan die Man
Boodskappe: 555
Geregistreer: Mei 2018

Karma: 22

Senior Lid

"Die koperkapel kom uit sy gat" gebruik diere (dus personifikasie) om kommentaar op 'n veldslag uit die Groot Trek te lewer. 'n Koperkapel (ook Kaapse Kobra of Geelslang genoem), 'n meerkat, ystervark, geitjie en 'n steenuil kry elk 'n spreekbeurt. Die gedig versinnebeeld die sinneloosheid van onnodige bloedvergieting. Selfs die diereryk is uiteindelik nie so wreed as wat mense kan wees nie. Dit rig ook 'n waarskuwing aan toekomstige geslagte om nie ligtelik by oorloë betrokke te raak nie.

NS: Sover ek verstaan handel die bundel waaruit die gedig kom oor die Trek, hoewel dit moontlik deur die veldslae van die Anglo-Boereoorlog geïnspireer is. Leipoldt was per slot 'n oorlogskorrespondent vir die "Manchester Guardian" gedurende die Anglo-Boereoorlog.

Rapporteer boodskap aan 'n moderator

Vorige onderwerp:	Jan Koekepan .... ?
Volgende onderwerp:	"Die ystervarkie" deur C. Louis Leipoldt

Gaan na forum:

-=] terug na bo [=-

[ XML-voer ] [

]

Tyd nou: So. Okt. 11 11:14:40 UTC 2026