| Biltong en wors...... [boodskap #18013] |
Wo, 30 September 1998 00:00  |
Hans
Boodskappe: 68
Geregistreer: September 1998
Karma: 0
|
Volle Lid |
|
|
Johan Potgieter skryf :
"Biltong maak ons self - geen gemis nie ........"
Het ook al VSA beesvleis geproe - die sagste, sappigste wol wat ek nog gekou
het !! Soos ek verstaan, meesal van besies wat op 9 maande al die lyf het
van 6 jaar oud osse, soos ons hulle hier in Suidwes - gits, 'skuus, Namibië,
ken. Dis nou van die groeihormone en al die ander onheilighede wat hulle
daar teen hulle diere pleeg...........
Vir die manne wat ook hul eie wors wil maak gee ek graag my ou staatmaker
worsresep. Ek gebruik gemsbok of koedoe en as mens nog 'n vet hartbees
byderhand het, soveel beter. By gebrek aan genoemde bronne sal beesvleis
aanvaarbaar wees............
Boerewors
Hierdie resep is geskik vir BEIDE droë wors EN bakwors.
6 Kg Vleis
1.5 Kg Vet
60 ml Sout
15 ml Peper (Swart peper)
45 ml Koljander – fyn (Coriander)
15 ml Naeltjies – fyn (Cloves)
25 ml Wonderpeper – fyn (Pimento)
7.5 ml Neutmuskaat – fyn (Nutmeg)
150 ml Asyn
Opmerkings
Die geheim van wors is die VERHOUDINGS. Eerste die vet/vleis verhouding
van EEN deel VET op VIER dele vleis. Ek wat normaalweg met wildsvleis werk,
gooi altyd 'n bietjie meer vet in omdat wildsvleis droog is maar moet NOOIT
minder vet gebruik nie. Vir bakwors wat jy BINNE 3 WEKE sal gebruik, mag
jy maar vark neem maar moet NOOIT vark vir droëwors vat nie omdat dit so gou
galsterig word. Vir my wors gebruik ek SLEGS die vet wat oor 'n bees se
boude sit  daardie GEEL vet aan die buitekant van 'n lekker Ârump steakÂ
maar daar het julle nou weer 'n probleem. (Die VSA se vetlose goed)
Julle kan dit vervang met die vet wat op die bors (Brisket) van die bees is
maar dis nie die ware jakob nie. Enige ANDER vet van 'n bees is
ONAANVAARBAAR aangesien dit hard is en soos grondboontjiebotter aan jou
verhemelte klou daarna. Skaapstert en vark gebruik ek hoegenaamd nie in my
wors nie  vark smaak na 2 weke sleg en in droëwors word die skaap weer so
hard soos klip.
Die TWEEDE VERHOUDING is dat vir ELKE 7.5 Kg vet/vleis mengsel die bostaande
hoeveelheid kruie gebruik word.
Metode
Weeg vet/vleis en bepaal dan finale hoeveelhede kruie.
Meng droë kruie in bak of skottel.
Hou die asyn APART.
Sny vleis en vet in blokkies van so omtrent 25 mm en maal die twee dan saam.
Vir my wors gebruik ek 'n MEDIUM tot AMPER growwe sif op die meule  moet
nooit wors fyn maal nie.
MOENIE die vet en vleis apart maal en agterna meng nie want NADAT die
vet/vleis gemaal is, moet dit so min as moontlik hanteer word.
Sprei die maalmengsel op 'n groot tafel oop  hoe dunner, hoe beter.
Versprei die droë kruie eweredig oor die vet/vleis.
Werk dit met die vingers in terwyl die asyn net tussenposes oorgesprinkel
word. NB. MOENIE die mengsel KNIE nie.
Ek steek sommer gaatjies in die asynbottel se prop en sprinkel dit op die
manier oor.
Stop in derms van omtrent 22 mm.
Voorspoed
(Vir direkte pos, verwyder alle verwysings na water uit die E adres)
|
|
|
|
| Re: Biltong en wors...... [boodskap #18057 is 'n antwoord op boodskap #18013] |
Vr, 02 Oktober 1998 00:00  |
Nico
Boodskappe: 259
Geregistreer: Februarie 1998
Karma: 0
|
Senior Lid |
|
|
Mens moet ook maar weet wat om te koop - ons koop free range bees en skaap wat
nie gevoer is nie en "organic" wat nie met hormone geboost is nie - die vleis
wat jy van praat is nie meer so wyd beskikbaar nie.
Jy moet die wors kom proe wat ek en my kollega maak! Nie eers Suidwes wors kom
daarby nie.
Johan (bietjie in Oregon)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
