Betekenis:
• 'n Stuk hout wat redelik dun en reguit is.
Gebruik:
• U stok en u staf dié vertroos my. [Psalms 23:4]
• En die Filistyn vra vir Dawid: Is ek 'n hond dat jy met stokke na my toe kom? [1 Samuel 17:43]
Spreekwoord:
• Iemand voor stok kry. [Iemand berispe.]
• Iemand 'n stok in die wiel steek. [Iemand teenwerk.]
• Hy steek 'n stok in 'n bynes. [Kwaai gevoelens opwek.]
• Jy kan dit met 'n stok aanvoel. [Iets sonder enige moeite gewaar.]
• 'n Mens moet nie verder spring as wat jou stok lank is nie. [Moenie meer onderneem as wat jy kan uitvoer nie.]
• As 'n mens 'n hond wil slaan, kry jy maklik 'n stok. [As jy iemand kwaad wil aandoen, kry jy maklik 'n geleentheid.]
Werkwoord: stok
Verlede tyd: het gestok
Teenwoordige deelwoord: stokkend, stokkende
Betekenis:
• Om skielik vas te steek; staak, stol, verstok.
• Om met 'n stok te slaan.
• (informeel) Om met voorraad te vul.
Gebruik:
• Van skrik stok haar asem in haar keel.
• Die oortreder word nie vooraf meegedeel wanneer hy gestok gaan word nie.
• Die winkel is goed gestok, maar baie duur.
Vertaling:
Engels: to halt, stop; to hit, cane; to replenish, stock up
Nederlands: stokken; stokslag krijgen; aanvullen
Nota:
• Die voorvoegsel stok- beteken "baie erg" en kom in woorde voor soos: stokalleen, stokblind, stokdoof, stokflou, stokoud, stokstil, stokstyf, ens.
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
.jpg)
