Supertaal: Woordeboek

Tuis » Taal » Woordeboek » kraal

Wys: Vandag se boodskappe :: Stemmings :: Navigasie

kraal [boodskap #128591]

Sa., 07 Desember 2019 10:54

Leksikograaf
Boodskappe: 24085
Geregistreer: Maart 2019

Karma: 1

Senior Lid

kraal
Afbreking: kraal
Uitspraak: /krɑːl/

Selfstandige naamwoord: kraal
Meervoud: krale
Verkleinwoord: kraletjie
Meervoud van verkleining: kraletjies

Betekenis:
• 'n Klein, ronde balletjie met 'n gaatjie waardeur 'n toutjie gesteek kan word; deurboorde versiersel.

Gebruik:
• Sy dra altyd die mooiste helder krale.

Vertaling:
Engels: bead
Nederlands: kraal

Selfstandige naamwoord: kraal
Meervoud: krale
Verkleinwoord: kraaltjie
Meervoud van verkleining: kraaltjies

Betekenis:
• 'n Omheinde ruimte vir vee; plek van takke, klippe, ens. om diere soos skape en beeste in te hou.
• Rondawels of hutte wat omhein is, soos 'n Bantoe-dorpie.

Gebruik:
• Jaag die skape in die kraal.
• Gert Maritz het vir Retief gewaarsku om nie weer na Dingaan se kraal te gaan nie.

Spreekwoord:
• Dis net so in sy kraal. [Dis net wat hy wil hê.]
• Die hek is uit die kraal. [Daar is nie meer toesig nie.]
• Al sy ossies is nie in die kraal nie. [Hy is nie by sy volle verstand nie.]
• Baie mak skape gaan in een kraal. [Vredeliewende mense kan maklik saamwoon.]
• Agteros kom ook in die kraal. [Al is ’n mens hoe stadig, kom jy ook maar waar jy wil wees.]

Hiponiem:
• beeskraal
• klipkraal
• laaikraal
• skaapkraal
• uitkeerkraal
• voerkraal

Afgelei:
• kraalhek
• kraalmuur

Vertaling:
Engels: kraal, corral
Nederlands: kraal

Nota:
• Van Portugees: "curral".
• In teenstelling met 'n stal, het 'n kraal nie 'n dak nie.

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	kou
Volgende onderwerp:	kraan

Gaan na forum:

-=] terug na bo [=-

[ XML-voer ] [

]

Tyd nou: Sa. Des. 06 22:20:15 UTC 2025