Supertaal: Woordeboek

Tuis » Taal » Woordeboek » knoop

Wys: Vandag se boodskappe :: Stemmings :: Navigasie
E-pos 'n vriend

knoop [boodskap #128471]

Sa., 23 November 2019 11:20

Leksikograaf
Boodskappe: 25940
Geregistreer: Maart 2019

Karma: 1

Senior Lid

knoop
Afbreking: knoop

Selfstandige naamwoord: knoop
Meervoud: knope
Verkleinwoord: knopie
Meervoud van verkleining: knopies

Betekenis:
• 'n Plat, ronde voorwerp waarmee 'n mens dele van 'n kledingstuk vasmaak.
• Plek in 'n draad, lyn of tou met 'n lus waardeur een ent deurgetrek is.
• Snelheidsmaat wat in die seevaart gebruik word.
• Vloek; lelik praat.

Gebruik:
• Sy hemp se knoop het afgeval.
• Sy probeer die knoop in die tou losmaak.
• Een knoop is een seemyl per uur, ongeveer 1,8 kilometer per uur.
• Hy los die een knoop na die ander.

Spreekwoord:
• Die knoop deurhak. ['n Moeilike saak oplos of afhandel.]
• Die knoop sit aan die end van die riem. [Die moeilikheid kom eers later.]
• Maak 'n knoop in jou sakdoek. [Probeer om iets te onthou.]

Hiponiem:
• mansjetknoop
• sierknoop

Vertaling:
Engels: button; knot, tie
Nederlands: knoop

Werkwoord: knoop
Verlede tyd: het geknoop
Teenwoordige deelwoord: knopend, knopende
Verlede deelwoord: geknoopte

Betekenis:
• Om iets vas of los te maak.
• Om die ent van 'n tou of draad deur 'n lus te trek.
• Om te vloek.

Gebruik:
• Hy knoop sy hemp se knope vas.
• Sy knoop die toue aan mekaar vas.
• Die matroos het verskriklik geknoop.

Spreekwoord:
• Hy knoop semels. [Oor nietighede stry.]
• Iets in jou oor knoop. [Jou inspan om iets te onthou.]

Hiponiem:
• losknoop
• ontknoop
• vasknoop

Vertaling:
Engels: to button, knot; tie; swear
Nederlands: knopen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	knik
Volgende onderwerp:	knip

Gaan na forum:

-=] terug na bo [=-

[ XML-voer ] [

]

Tyd nou: Di. Jul. 28 08:46:58 UTC 2026