Op die meeste forums sal jy dit moeilik vind om nuwe onderwerpe te plaas of om op bestaandes te reageer, tensy 'n administrateur jou toelaat. Vir jou om dus deel te kan neem aan die besprekings, sal jy moet registreer. Sodoende sal jy ook toegang verkry na baie ander funksies op die forum, soos:

• E-poskennisgewings wanneer iemand jou boodskappe antwoord.
• Pasgemaakte handtekening, avatar, persoonlike etiket, ens.
• Die vermoë om privaat boodskappe aan een of meer lede van die forum te stuur.
• Jy sal 'n tydsone kan kies sodat die forum se tyd ooreenstem met dié van die streek waarin jy woon.

Tensy dit anders gespesifiseer word, is die registrasie vir die forum heeltemal gratis. Slegs 'n minimum inligting word vereis, soos jou e-posadres en 'n noemnaam van jou keuse.

Indien COPPA (Children's Online Privacy Protection Act) aangeskakel is en jy jonger as 13 jaar oud is, moet jou wettige ouer/voog toestemming gee voordat die rekening gebruik kan word om boodskappe te plaas. 'n Vorm sal moet ingevul word wat jy na 'n gegewe e-posadres moet stuur.

Gewoonlik gebruik die forum koekies om 'n klein bietjie inligting te stoor wat die forum toelaat om te kan sien of jy aangeteken het of nie. Indien jou webblaaier om een of ander rede nie koekies aanvaar nie, sal die forum sessies gebruik wat geen inligting op jou rekenaar stoor nie. Tydens die aantekenproses kan jy kies om die koekiestelsel te omseil en die sessiestelsel te gebruik. Dit word aanbeveel wanneer jy 'n openbare terminaal gebruik. Indien jy dit doen sal moontlike identiteitdiefstal voorkom word, wat kan plaasvind indien jy nie uitteken nadat jy die forum gebruik het nie. In die meeste gevalle moet jy egter die koekies toelaat omdat dit meer gerieflik is oor die langtermyn. Jy sal dan nie elke keer hoef aan te teken as jy die forum besoek nie.

Om die koekies te verwyder wat deur forum ingestel is, klik net op die uittekenskakel en die koekies sal outomaties uitgewis word.

As 'n forumlid het jy 'n persoonlike profiel wat jy kan stoor met verskeie inligting oor jouself, soos bv. kliënte ID's, handtekening, biografie, ens. Jou profiel stoor ook verskeie instellings rakende die forum. Jy kan ter enige tyd wanneer jy aanteken jou profielinstellings verander. Wees bewus daarvan dat die data in jou profiel deur ander forumlede besigtig kan word. Jy moet dus nie enige sensitiewe inligting daar stoor wat jy nie wil hê ander persone moet sien nie.
Jou profiel het 'n opsie "Vertoon e-posadres", wat gestel kan word om nie te vertoon nie, wanneer jy NEE kies. Jy wil dalk hierdie opsie gebruik as jy nie wil hê ander mense moet jou e-posadres sien nie.

'n Handtekening is 'n teks wat outomaties aan die einde van elke boodskap wat jy plaas, verskyn. In jou profiel het jy die opsie "Gebruik handtekening by verstek" wat hierdie funksie sal aktiveer of nie. Jy kan ook by elke plasing hierdie opsie verander vir daardie spesifieke plasing.
Behalwe gewone teks, kan hierdie string ook goed insluit soos skakels na URL's, persoonlike foto’s, ens... (indien toegelaat deur die administrateur).
Indien jy nie die handtekeninge van ander persone wil sien nie, kan jy dit afskakel deur by instellings, "Vertoon handtekening" op die NEE in jou profiel te klik.

As jy nie jou wagwoord vir die forum kan onthou nie, kan jy na die herstel wagwoord-blad gaan, jou e-posadres in die teksblokkie intik en die GAAN VOORT knoppie klik. 'n E-pos met 'n spesiale URL sal na jou gestuur word. Wanneer jy daardie URL oopmaak sal jou wagwoord herstel word. Jy ontvang dan 'n nuwe e-pos met jou nuwe wagwoord.

Let wel: Jou wagwoorde word in 'n eenrigting-enkripsieformaat (MD5 HASH of soortgelyke algoritme) gestoor. Dit is militêre-graad enkripsie, en daar is geen manier om jou oorspronklike wagwoord te herstel nie. Elke keer wanneer jy jou wagwoord invoer, word dit geënkripteer en met die gestoorde geënkripteerde weergawe vergelyk. Indien jy jou wagwoord vergeet, kan dit nie herwin word nie. Wanneer jy 'n versoek rig om jou wagwoord terug te stel, sal die forum 'n nuwe wagwoord vir jou genereer.

Pasgemaakte etikette kan slegs deur die forum se administrateur(s) toegeken word, so indien jy een wil hê moet jy die forum se admin daarvoor vra.

Avatars is beelde wat onder jou gebruikersnaam verskyn by die boodskappe wat jy plaas, asook op jou gebruikersinligtingblad. Die forum ondersteun 3 tipes avatars. Die forum se administrateur mag party daarvan aktiveer of nie. Jy kan self 'n avatar kies vanaf jou profielblad.

• Ingebou - Dis die avatars wat die admin beskikbaar gestel het en jy kan enige een van hulle kies en dit sal joune word sodra jy die verandering op jou profielbald ingevoer het.
• Laai avatar op - Indien dit geaktiveer word, kan jy 'n beeld oplaai wat jou avatar sal word vir die bediener. Wanneer jy dit oplaai moet dit eers deur die administrateur goedgekeur word voordat dit vertoon.
• Spesifiseer URL - Indien dit geaktiveer is, kan jy 'n spesifieke URL aandui wat jy as jou avatar wil gebruik. Indien dit deur die administrateur goedgekeur word, sal dit jou avatar word.

Let wel: Jy kan jou avatar ter enige tyd verander, maar die opgelaaide en URL avatars moet altyd eers goedgekeur word voordat dit gebruik kan word.

'n Vriendelys is jou eie kortlys van forumlede met wie jy meer gereeld wil gesels. Wanneer jy persone op die lys plaas, sal jy hulle verjaarsdae kan sien (indien hulle dit verskaf het). Jy kan hulle ook maklik kies as ontvangers van jou privaatboodskappe.

Die ignoreerlys is 'n databasis van forumlede wie se boodskappe jy nie wil sien nie en wie nie toegelaat word om vir jou persoonlike boodskappe te stuur nie. By elke boodskap is daar 'n skakel wat jou die keuse gee om die skrywer van die boodskap by jou ignoreerlys te voeg.