| Theo Wassenaar - Tweede Sonnet... [boodskap #140646] |
Ma, 05 Desember 2022 16:00  |
 |
Sidharta
Boodskappe: 1
Geregistreer: Desember 2022
Karma: 0
|
Junior Lid |
|
|
|
Ek soek See Sonnet 2 van Theo Wassenaar. Dit begin met: " Stadig sak 'n glorie volle dag , weg diep in die stille oseaan. Dat die sterre en maan in aanbidding staan ..."
|
|
|
|
| Re: Theo Wassenaar - Tweede Sonnet... [boodskap #140647 is 'n antwoord op boodskap #140646] |
Ma, 05 Desember 2022 18:06  |
 |
Jan die Man
Boodskappe: 514
Geregistreer: Mei 2018
Karma: 22
|
Senior Lid |
|
|
SEE-SONNETTE deur Theo Wassenaar (1892 – 1982)
I.
Stilsterwend sink 'n glorievolle dag
Weg in die bloute van die oseaan,
So rustig as 'n droom, so groots van prag
Dat see en lugte in aanbidding staan.
Soos verre bosse aan die horison
Lyk wolke wat daar opkom uit die see.
Daar agter daal die grote ronde son
Soos in 'n graf van diep-besielde vree.
O Liefste, heilig is Herinnering,
En elke aand sal onvergeetlik bly
Wat my opnuut my liefde lief laat kry;
Opnuut die droom van skone lewe bring:
Die oseaan van diep gevoel waarin
'k Myself verloor en spraakloos vreugde win.
II.
O magtige oseaan, jy wydgestrekte,
Omsirkeld deur die ongemetenheid,
Diep in jou boesem rus die onontdekte;
Alleen jou swaar gehyg verneem die tyd.
O nooitvermoeide see wat immer-woelend,
Getye reël na gange van die maan
En op die storm se stem ontstuimig spoelend,
Jou branders op die rotse stukkend slaan!
O ewige deining van die Grote en Magtige!
So dein die breed sterk stroom van volle lewe
In my klein hart. Ek nietigste kristal,
Ek mag ook speel met glans van die ewig-pragtige.
Die skepping het ook my sy doel gegewe:
Een polsslag in die ritme van die Heelal!
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
