| blink [boodskap #127745] |
Sa, 14 September 2019 15:28 |
 |
Leksikograaf
Boodskappe: 20614
Geregistreer: Maart 2019
Karma: 1
|
Senior Lid |
|
|
blink
Afbreking: blink
Byvoeglike naamwoord: blink
Vergrotende trap: blinker
Oortreffende trap: blinkste
Attributief: blink
Partitief: blinks
Intensief: skitterblink, diamantblink, kristalblink, spieëlblink, bottelblink, kraakblink
Betekenis:
• Wat glinsterend en helder is.
• Wat slim uitgedink is.
Gebruik:
• Sy tel 'n blink klippie op.
• Hy het 'n blink plan beraam.
Spreekwoord:
• Elke saak het sy blink kant. [Geen ding is net sleg nie.]
• Hou die blink kant bo. [Hou moed.]
• Hy lieg blink en bles. [Lieg baie erg.]
Vergelyking:
• So blink soos 'n spieël. [Baie blink]
• So blink soos 'n nuwe sikspens. [Netjies en deftig aangetrek wees.]
Sinoniem:
• glansryk
• glansend
• glansig
• glinsterend
• stralend
• weerkaatsend
Antoniem:
• dof
Vertaling:
Engels: shining, glittering, bright
Nederlands: blink
Werkwoord: blink
Verlede tyd: het geblink
Betekenis:
• 'n Glans afgee.
Gebruik:
• Sy skoene blink in die son.
Spreekwoord:
• Dis goud wat blink, maar koper wat stink. [Die skyn bedrieg.]
• Dis nie alles goud wat blink nie. [Nie alles wat mooi lyk, is goed nie.]
Sinoniem:
• flikker
• glimmer
• glinster
• skitter
• straal
• vonkel
Vertaling:
Engels: to shine, glitter, gleam
Nederlands: blinken
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
