| "Voedselvrou" deur WILMA STOCKENSTROM [boodskap #22054] |
Wo, 24 Maart 1999 00:00 |
G.B.
Boodskappe: 2179
Geregistreer: Mei 1997
Karma: 0
|
Senior Lid |
|
|
VOEDSELVROU
Wilma Stockenström
(Spieël van water, 1973)
Haar kamer ruik altyd na eiers en strooi,
'n stal van wedersydse gifte en eie wondere.
Sy's kitsbroeis, sy's komberswarm vir wie ook
gou wil inkruip en lê in haar moedergeur.
Suikerstroop soek hul in die skotteltjies
van haar liggaam, en hulle byt, hulle byt
en skommel die papwit deeg van haar borste.
Staan sy op, bly kyk hul stip na die nes,
handgroot gevleg, op die pale van haar bene,
waaruit hul pas soos 'n kuiken gesluip het.
Die dae staan om haar huis regop soos kerke,
kloek, afkeurend, kuise toring in die lug,
maar sy, sy breek en spat soos 'n hotnosvy
as liggeel die maanvrug in haar venster hang.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
