| "Entropie" deur FERDI GREYLING [boodskap #19785] |
Sa, 09 Januarie 1999 00:00 |
G.B.
Boodskappe: 2179
Geregistreer: Mei 1997
Karma: 0
|
Senior Lid |
|
|
ENTROPIE
Ferdi Greyling
Dae spoel oor in mekaar.
Horlosies word ornamente in jou huis.
Tyd wen af
en word ten beste gepunktueer
met sneeu op die berge
en swaeltjies wat elke somer terugkeer.
Af in die straat
is die gebreekte ou man
elke dag stukkender in sy tuin.
Die verlede
beinvloed vir jou nie meer die hede nie
en die hede word n stoep vol vergeetagtigheid.
Is dit eensaamheid
wat skemeraand so sag om jou gaan lê
waar jy op die stoep sit
met n skinkbord, teepot en koppie?
En buite die berge ver na links
en voëls in die boom op regs.
Agter die huis
het die son al ondergegaan.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
