Leksikograaf Boodskappe: 18928 Geregistreer: Maart 2019
Karma: 1
Senior Lid
'n Foto van die Aarde se Son.son
Afbreking: son
Uitspraak: /son/
Selfstandige naamwoord: son
Meervoud: sonne
Verkleinwoord: sonnetjie
Meervoud van verkleining: sonnetjies
Betekenis:
• Die ligstrale wat die aarde bereik.
• (sterrekunde) 'n Hemelliggaam waarom 'n planeet wentel.
Gebruik:
• Hy sit in die son en bak. As die son skyn, speel die kinders graag buite.
• Die aarde, asook ander materie soos planete, asteroïde, meteoriete, komete en stof, wentel om die son.
Spreekwoord:
• Jy staan in jou eie son. [Jy belemmer jou eie kanse.]
• Jakkals trou met Wolf se vrou. [Dit reën terwyl die son skyn.]
• Hulle sit soos dassies in die son. [Lekker sit en bak.]
• Die opgaande son aanbid. [Die party wat mag het, vlei.]
• Iemand is nie werd dat die son op hom skyn nie. [Iemand is baie sleg.]
• Sy son het ondergegaan terwyl dit nog dag was. [Hy het jonk gesterwe.]
• Hy kan nie sien dat die son in 'n ander se water skyn nie. [Hy is afgunstig.]
• Laat die son nie ondergaan oor jou boosheid nie. [As jy met iemand rusie maak, moet jy voor sononder weer vrede maak.]
• Daar is niks nuuts onder die son nie. [In werklikheid is daar niks wat nie reeds in die een of ander vorm bestaan of ervaar is nie.]
• As die son sak in die weste, is die luiaard op sy beste. [Gesê aan iemand wat eers in die laat middag met 'n ernstige of groot werk begin.]
] 
Supertaal
Blog
Soek
Hulp
Lede
Registreer
Teken aan
Tuis
