Leksikograaf Boodskappe: 18989 Geregistreer: Maart 2019
Karma: 1
Senior Lid
tussen
Afbreking: tussen
Uitspraak: /ˈtœ.sən/
Voorsetsel: tussen
Betekenis:
• Êrens in die middel. So geplaas dat daar aan weerskante van iets of iemand 'n ander persoon of ding is.
• Omring deur ander mense of dinge. In 'n groep/ gedeel deur 'n groep.
• Ná een ding, maar voor 'n ander; terwyl iets gebeur.
Gebruik:
• Sy sit tussen haar pa en ma.
• Dis lekker om tussen vriende te wees.
• Die snoepwinkel is tussen vier- en vyfuur oop.
Spreekwoord:
• Dit gaan so tussen die boom en die bas. [Dit gaan so-so.]
• Baie myle lê tussen doen en sê. ['n Belofte is nog nie 'n daad nie.]
• Daar is maar een tree tussen ons en die dood. [Die dood is altyd naby.]
• Die enigste roos tussen die dorings. ['n Meisie tussen mans.]
• Hy sit tussen twee vure. [Tussen twee moeilikhede wees.]
• Hy is nou tussen hamer en aambeeld. [Tussen twee groot moeilikhede.]
• Hy is tussen hang en wurg. [Tussen twee groot moeilikhede.]
• Hy vlug met die stert tussen die bene. [Beskaamd wegvlug.]
• Iemand se kop tussen sy ore sit. [Iemand 'n les leer of berispe.]
• Tussen die bas, meer los as vas. [Taamlik middelmatig.]
• Tussen die boom en die bas. [Nie goed nie en ook nie sleg nie.]
• Tussen die bye, maar nog nie by die koek nie. [Byna, maar nog nie heeltemal nie.]
• Tussen die reëls lees. [Gevolgtrekkings maak uit wat daar staan.]
• Tussen hemel en aarde swewe. [Heeltemal onbeslis wees.]
• Tussen hoop en vrees lewe. [In onsekerheid lewe.]
• Tussen lip en beker lê groot onseker. [Op die laaste oomblik kan sake nog 'n wending neem.]
• Tussen neus en oë verdwyn. [Vlak voor jou wegraak.]
• Tussen neus en vinger verdwyn. [Skelm of ongemerk verdwyn.]
• Tussen vinger en duim wegraak. [Onopgemerk wegsluip.]
Vertaling:
Engels: between, among, amidst
Nederlands: tussen
Laat weet asb as die inskrywing foute bevat of verder verbeter kan word.