| Gedig [boodskap #41193] |
So, 22 April 2001 17:41 |
Michel Martens
Boodskappe: 126
Geregistreer: Mei 2006
Karma: 0
|
Senior Lid |
|
|
By Gezelle se graf in Brugge
------------------------------
Christiaan M van den Heever
'n Tere herfslug bewe deur die bome,
wat geel soos koper teen die bloute skyn
bo Middeleeuse Brugge, waar die drome
van heengegane skoonheid nooit verdwyn.
'n Holle wielgerol klink oor die straat,
dan is dit stil hier by die marmersteen,
wat glansend in die aandson rykdom laat
oor kille stene, eensaam rondom heen.
Hier rus die grote Digter na sy stryd,
na al die droefheid van sy skugter hart,
verneder en verwaarloos deur sy tyd,
en nou veréwig deur sy digtersmart.
O ryke Digter, wat nou troon in Lig,
wat so ootmoedig jou aan God kon wy,
laat hierdie stille kruisiging my rig,
en laat wat suiwer is, oorwin in my!
--------------------
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
