| die kwikstertjie en ek [boodskap #140222] |
So, 11 September 2022 16:12 |
Louis Basson
Boodskappe: 200
Geregistreer: Junie 2022
Karma: 4
|
Senior Lid |
|
|
ek sit op my knieë en onkruid uittrek
voordat die voorspelde reën my planne belemmer
om die grond vir ‘n nuwe bedding voor te berei
dan sien ek ‘n beweging hier skuins langsaan my
dis ‘n kwikstertjie wat na iets te ete kom soek
en wil sien watter smullekker ietsie na die oppervlak kom
hy kom stap hier waar my hande die grond omdolwe
en beweeg so flink tussen die kluite deur
dat ek mooi moet oplet om hom nie te beseer
‘n moontlike paar happies het tog sy oog gevang
want na ‘n bondige fluit het sy vroutjie ook kom land
om saam met hom die prooi te geniet
ek was so bang dat ek hulle sou verwilder
dat ek plat op die grond gaan sit het
om elke ratse beweging van hulle te geniet
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
