| trane uit die lug [boodskap #140140] |
Tue, 30 August 2022 19:18 |
Louis Basson
Boodskappe: 200
Geregistreer: June 2022
Karma: 4
|
Senior Lid |
|
|
yskoud sit ek voor die venster
met ‘n lied in my hart
want die droogte is gebreek
die reën bring ‘n einde aan die smart
daar is weer hoop vir die komende somer
soos stroompies bruisende riviere word
om hul vrag lewensvog vir mens, plant en dier
in lankvergete damme te stort
terwyl ek so na die druppels kyk
verander hulle in miljoene trane van Bo
wat op ons land gestort word
deur onsigbare huilende oë
wat almal neerkyk op die misdaad en geweld
diefstal, inbraak, verkragting en moord
korrupsie, aanranding en wetteloosheid
is dade wat ons daagliks ervaar sonder ‘n woord
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
