| Re: Oppergesag van die ANC [boodskap #13948] |
Di, 21 April 1998 00:00 |
Leendert van Oostrum
Boodskappe: 1880
Geregistreer: Julie 2000
Karma: 0
|
Senior Lid |
|
|
Beeld spreek vandag sy kommer uit oor die aanduidings dat die regbank
onderhorig raak aan politieke inmenging.
So iets sou natuurlik niks nuut wees nie (hoewel mens natuurlik gehoop het
dat ons deftige grondwet hierdie verskynsel in die NSA bietjie sou beperk).
Wat egter opmerklik is, is dat die ANC-regering nie net onbehoorlike druk
plaas op die regbank (bv in die Angelina-geval nie). In die SARVU-saak neem
hulle die funksies van die regbank heeltemal oor:
1) Die regering besluit om SARVU te ondersoek.
2) Toe dit blyk dat die hofuitspraak vir hulle 'n verleentheid kan wees,
eis die ANC se sportarm, die NSC, dat die bestuur van SARVU bedank en plek
maak vir 'n liggaam wat deur die NSC aangestel word.
3) Die hof besluit toe nee, die regering het nie die gesag om onder die
omstandighede sy neus in die sake van 'n burgerlike organisasie te steek en
hom te ondersoek nie.
4) Sonder om eers vir die regter te wag om sy redes vir sy besluit te
gee, klim die ANC se regering nou by monde van hulle minister van sport in:
Die regering sal die NSC ondersteun in 'n veldtog om rugby internasionaal te
isoleer totdat die huidige bestuur van SARVU bedank.
Dus: die ANC se regering het die bestuur van SARVU skuldig bevind en besluit
hy moet verwyder word. Die feit dat die regbank van oordeel is dat die
regering nie geregtig is om in die onderhawige omstandighede met SARVU in te
meng nie, beteken vir die ANC se regering bloot dat die regering sy vonnis
nou langs ander weë moet voltrek (seker ook net totdat die regter vervang
kan word).
Soos in die kampe in Angola en in die townships in die verlede is die ANC
dus judge, jury and executioner.
Nou ja, soos Secret Squirrel beklemtoon het - die NSA is seker 'n
swartmansland, al het 'n mens gehoop dit sou minder eksklusief wees.
Dis net jammer as dit, soos dit nou lyk, sou beteken dat 'n "swartmansland"
nie plek het vir die oppergesag van die reg nie. Die oppergesag van die reg
was dan juis die "selling point" wat die NSA van die ("wit") OSA moes
onderskei.
Groete, Leendert
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
