Tuis » Ernstig » Onderwys & opvoeding » randse, afrikaanse, universiteit
| randse, afrikaanse, universiteit [boodskap #12259] |
Do, 22 Januarie 1998 00:00  |
Charl Durand
Boodskappe: 55
Geregistreer: Januarie 1996
Karma: 0
|
Volle Lid |
|
|
Ons het dit altyd die broederbondkampus genoem, in die dae toe die
broeders nog sterk gestaan het, tydens hulle heyday in die vroee tagtigs.
Die Randse Afrikaanse Universiteit is nou 'n paradoksale titel, 'n
instelling wat grootoog die werklikhede om hom vanagter die agt voet
elektriese heining en gewapende wagte met hul groen berets dophou.
Gelukkig werk my ou studentekaart nog toe ek dit vir die wag by die hek
wys.
Die kampus het gerek vandat ek laas daar was, saam is ons besig om
middeljarig ronder te raak. Dit tref my dat die nuwe geboue nie een die
kenmerkende strak, grys beton-argitektuur van die broeder-era dra nie.
In die geboue is dit duidelik: dis nie meer die Randse, _Afrikaanse_
Universiteit hierdie nie.
Dis bont hier.
Al wat nog oorgebly het van die homogene, mono-talige studentemenigte van
destyds is blou jeans en t-hemde. Ek dink terug aan die rumoerige
massavergaderings oor die voorgestelde 15% kwota bruin studente. Bruin,
want swart was verbode, soos die Mandela posters wat Carl Niehaus probeer
opsit het. Deesdae is RAU die voorkeurkampus van die refugees van
apartheid se bosuniversiteite.
Dis anders hier.
Daar's 'n Vodacom winkel hier.
Die kaf is weg, vervang deur 'n labirint van sitkamers vir die massas
dagstudente.
Ek loop vas in 'n nuwe aanbouing wat lyk soos 'n mini shopping mall,
kompleet met Steers, Wimpy, en 'n Spar. Wat 'n verbetering, nou kan die
koshuisstudente hul koffievoorraad op die kampus koop.
Mooimeisiesfontein is nog hier, in die middel van die grys laer. Om hom
sit die paartjies nog steeds mekaar en vrylesse gee.
Vakke is nie meer net biblioteekkunde of biologie nie. Promosie-plakkate,
daar om die nuwejaar se aanwins eerstejaars te canvas, praat van
"Informatika en inligtingstudies -- leer van push tegnologie en web
bladsye" en "Ontwikkelingsfisiologie -- Aids, basiese
gemeenskapsgesondheid en kliniekbestuur."
Ek stap by 'n gesig wat ek herken verby -- 'n wysbegeertedosent, nog
steeds op sy pos. Sy hare is dunner, sy oe strakker, en sy pak klere hang
sakkerig aan hom.
Ek kry my duplikaatstel uitslae waarvoor ek gekom het by
studenteregistrasies, A-ring vlak drie. Dis als net in Afrikaans geskryf.
Party dinge, soos jeans, neem langer om te verander.
Want dit is mos, after all, die randse, afrikaanse, universiteit.
-------------------==== Posted via Deja News ====-----------------------
http://www.dejanews.com/ Search, Read, Post to Usenet
|
|
|
|
| Re: randse, afrikaanse, universiteit [boodskap #12282 is 'n antwoord op boodskap #12259] |
Vr, 23 Januarie 1998 00:00  |
Charl Durand
Boodskappe: 55
Geregistreer: Januarie 1996
Karma: 0
|
Volle Lid |
|
|
In article ,
wrote:
>
> Dankie, Charl. Ek was net eenkeer by RAU, in
> 1981, in die goeie ou broederbond dae. Ek het
> so baie van die fontein gehou,( wat ook in 'n
> verhoog omskep kon word, as ek reg onthou?)Dit
> heet dus Mooimeisiesfontein?
>
Ja. Die ouens gooi Omo in hom tydens jool.
-------------------==== Posted via Deja News ====-----------------------
http://www.dejanews.com/ Search, Read, Post to Usenet
|
|
|
|
| Re: randse, afrikaanse, universiteit [boodskap #12283 is 'n antwoord op boodskap #12259] |
Vr, 23 Januarie 1998 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
ev...@sportspace.co.za writes: >
> In die geboue is dit duidelik: dis nie meer die Randse, _Afrikaanse_
> Universiteit hierdie nie.
>
> Dis bont hier.
>
>
> Mooimeisiesfontein is nog hier, in die middel van die grys laer. Om hom
> sit die paartjies nog steeds mekaar en vrylesse gee.
Dankie, Charl. Ek was net eenkeer by RAU, in
1981, in die goeie ou broederbond dae. Ek het
so baie van die fontein gehou,( wat ook in 'n
verhoog omskep kon word, as ek reg onthou?)Dit
heet dus Mooimeisiesfontein?
Gloudina
|
|
|
|
| |
  |
Gaan na forum:
[ XML-voer ] [  ]
Tyd nou: Vr Nov 15 17:29:57 MGT 2024
|
Supertaal
Blog
Soek
Hulp
Lede
Registreer
Teken aan
Tuis
