| loods [boodskap #129745] |
Di, 11 Februarie 2020 06:44 |
 |
Leksikograaf
Boodskappe: 20587
Geregistreer: Maart 2019
Karma: 1
|
Senior Lid |
|
|
loods
Afbreking: loods
Selfstandige naamwoord: loods
Meervoud: loodse
Verkleinwoord: loodsie
Meervoud van verkleining: loodsies
Betekenis:
• Gids wat 'n skip in of uit 'n hawe bestuur; navigator deur moeilike waters; loodsman.
• 'n Groot skuur of pakhuis, soos die waarin vliegtuie en lokomotiewe gehou en herstel word.
• (anglisisme) 'n Vlieënier.
Gebruik:
• Die skip moes ure buite die hawe wag tot 'n ervare loods opgespoor kon word.
• Ná haar vlug sluit sy die vliegtuig in die loods toe.
• Die loods het die Boeing veilig gegand.
Afgelei:
• goedereloods
• loodsboot
• loodsdiens
• loodsgeld
• loodskaart
• vliegtuigloods
Vertaling:
Engels: pilot; hanger, shed
Nederlands: loods
Werkwoord: loods
Verlede tyd: het geloods
Betekenis:
• Deur gevaarlike waters lei.
• Iets versigtig êrens heen bring; saggies lei.
Gebruik:
• Die loods loods die skip uit die hawe uit.
• Die party het nuwe wetgewing ingedien wat hulle deur die parlement wil loods.
Vertaling:
Engels: to pilot; to direct
Nederlands: loodsen
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
