Supertaal: Woordeboek

Tuis » Taal » Woordeboek » nael

Wys: Vandag se boodskappe :: Stemmings :: Navigasie

nael [boodskap #128754]

Vr, 20 Desember 2019 06:31

Leksikograaf
Boodskappe: 20590
Geregistreer: Maart 2019

Karma: 1

Senior Lid

nael
Afbreking: na•el

Selfstandige naamwoord: nael
Meervoud: naels
Verkleinwoord: naeltjie
Meervoud van verkleining: naeltjies

Betekenis:
• Harde dop aan die einde van vingers en tone; horingagtige bedekking op die voorste lit van 'n vinger of toon.
• Klein holtetjie in die middel van van die maag; nawel op die buik, die litteken van die naelstring (gewoonlik in verkleiningsvorm).

Gebruik:
• Sy nael is potblou nadat hy sy vinger in die deur toegeslaan het. Moenie jou naels byt nie.
• Haar bloes is so kort dat haar naeltjie uitsteek.

Spreekwoord:
• Hy het nie 'n nael om hom mee te krap nie. ['n Arme sukkelaar wees.]

Hiponiem:
• vingernael
• toonnael

Afgelei:
• naelknipper
• naelmaantjie
• naelpolitoer
• naelskêr
• naelvou
• naelvyl

Vertaling:
Engels: nail; navel, bellybutton
Nederlands: nagel

Werkwoord: nael
Verlede tyd: het genael

Betekenis:
• (formeel) Vinnig hardloop.
• Met 'n spyker heg; vaskap.

Gebruik:
• Sy nael om die atletiekbaan.
• Toe nael hy sy besware aan die kerk se deur vas.

Spreekwoord:
• Hy het laat nael. [Vinnig weggehardloop.]

Vertaling:
Engels: to sprint, race; to nail
Nederlands: nagelen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	naald
Volgende onderwerp:	nagereg

Gaan na forum:

-=] terug na bo [=-

[ XML-voer ] [

]

Tyd nou: Sa Nov 02 18:30:32 MGT 2024